Мундарижа I. Мамлакатни ижтимоий-иқтисодий ривожлантиришнинг 2018 йилги

2020 йилдан бошлаб Ўзбекистон Республикаси республика бюджети 
харажатлари вазирлик ва идоралар кесимида тасдиқланиши 
Давлат молия тизимида амалга оширилаётган ислоҳотлардан яна бири бу 
ривожланган давлатлар тажрибасидан келиб чиққан ҳолда ҳамда халқаро молия 
институтлари экспертларининг тавсияларига мувофиқ 2020 йил учун Ўзбекистон 
Республикаси республика бюджети илк бор вазирлик ва идоралар кесимида 
тасдиқланмоқда. 
Бунда, биринчи даражали бюджет маблағларини тақсимловчиларнинг 
келгуси 2020 йилда амалга ошириши кўзда тутилган харажатлари Ўзбекистон 
Республикаси Қонуни билан тасдиқланади. Мисол учун, бу ерда йирик бюджет 
маблағларининг тақсимловчиларининг республика бюджетида маблағ олувчи 
тармоқ ташкилотларининг сақлаш харажатлари, объектларни лойиҳалаштириш, 

---

68 
қуриш (реконструкция қилиш) ва жиҳозлаш учун капитал қўйилмалар (кейинги 
ўринларда – капитал қўйилмалар деб юритилади), ушбу вазирлик қошидаги 
Давлат мақсадли жамғармаларга ажратиладиган трансфертлар миқдори 
кўрсатилади. 
Сақлаш харажатлари қаторида вазирлик, идоралар ва республика 
бюджетидан маблағ олувчи ушбу вазирлик ва идорага тегишли ташкилотларнинг 
жорий сақлаш харажатлари, жумладан иш ҳақи ва унга тенглаштирилган 
тўловлар, биноларни сақлаш (жорий таъмирлаш, коммунал тўловлар, қўриқлаш 
хизмати ва бошқа) харажатлари, асосий воситалар сотиб олиш харажатлари ва 
бошқа тўловлар киритилади. 
Капитал қўйилмалар қаторида эса 2020 йил учун шакллантирилган ва 
тасдиқланган инвестиция дастури доирасида ушбу вазирлик ёки унинг 
тасарруфидаги республика бюджетидан молиялаштириладиган ташкилотлари 
учун қанча маблағ қўзда тутилганлиги кўрсатилади. 
Давлат мақсадли жамғармаларининг харажатлари қаторида ушбу Давлат 
мақсадли жамғармаларининг келгуси молия йилида амалга ошириши 
белгиланган харажатлари акс эттирилади. 
Иккинчи даражали бюджет маблағларини тақсимловчилар (тармоқ 
вазирликларига қарашли йўналишлар бўйича) кесимида ажратилган маблағлар 
Вазирлар Маҳкамаси томонидан тасдиқланади. 
Бу эса, ўз навбатида, келгусида дастурли режалаштириш, тармоқ 
вазирликлари томонидан белгилаб олинган режа ва дастурларни қай даражада 
амалга оширганликлари ва улар учун ажратилган мабағларнинг етарли ёки 
етарли эмаслиги тўғрисидаги маълумотларни тўлиқ шакллантириш имконини 
беради. 
Ушбу механизм жорий этилгандан сўнг барча вазирлик ва идоралар 
ўзларига ажратилган маблағларнинг ижроси (қандай мақсадларга, қайси 
дастурларга йўналтирилганлиги) ва бунинг натижасида эришилган ютуқлар ва 
йўл қўйилган камчиликлар тўғрисида бир йилда камида бир маротаба Олий 
Мажлис палаталари олдида ҳисобот берадилар. 
Бу орқали эндиликда вазирлик ва идоралар ўз тармоқ ташкилотлари орасида 
жами харажатларнинг жами миқдорини ўзгартирмаган ҳолда бир ташкилотдан 
иккинчи бир ташкилотга маблағларни ўзгартириш ваколати ҳам жорий 
этилмоқда.