Мундарижа I боб. “Кўп тармоқли фермер хўжалигини ташкил этиш ва бошқариш” фанининг предмети, мақсади ва вазифалари 10

6.6.1- жадвал
Ўзбекистон Республикасида аҳоли сони ва бандлик кўрсткичлари

Т/р	Кўрсаткичлар	Минг киши		Жамига нисбатан фоизда		2015 йилда 2014 йилга нисбатан (%)да
		2014 йил	2015 йил	2014 йил	2015 Йил
1	Аҳоли сони,минг киши	30492,8	31022,5			102
2	Жами иш банд бўлганлар сони, минг киши Шу жумладан:	12545,4	12834,8	100	100	102
	Давлат	2363,2	2341,1	19,3	18,7	99
	Нодавлат, шундан:	10182,2	10493,7	80,7	81,3	103
	Фуқароларнингхусусий мулкчилигида	8605,2	8900,2	70,4	71,1	103
3	Қишлоқ хўжалигида банд бўлган, минг киши	3260.8	3398.8	26.7	27.2	104

Манба: ЎзбекистонДавлат стастика қўмитаси маълумотлари

6.1.1-жадвал маълумотларидан кўриниб турибдики, 2014 йилда аҳоли сони 30492,8 минг киши бўлган бўлса, 2015 йилга келиб бу кўрсаткич31022,5 минг кишини ёки 102,0 фоизга ортганини кўриш мумкин.Жами иш билан банд бўлганлар сони 2014 йилда 12545,1 минг киши, 2015 йилда 12834,8 минг киши ёки 102 фоизга ошган.Унинг таркибидаги давлат корхонасида ишловчилар сони 99,0 фоизни, нодавлат корхоналаридагилар 103,0 фоизга ортганлигини кўриш мумкин. Қишлоқ хўжалигида банд бўлган сони 104 фоизга ортганлиги шундан далолат берадики қишлоқ аҳолисининг иш билан таъминланиш даражаси ошганлигидан иборат бўлади.

Фермер хўжалигида бандлик. Қишлоқ хўжалигида яратилган янги ишчи ўринларининг асосий қисми хусусий сектор доирасидаги кичик бизнес субъектлари, яъни, деҳқон ва фермер хўжаликлари ҳисобига тўғри келади. Ишсизлик даражаси мавжуд экан,фермер хўжалиги қишлоқ хўжалик маҳсулотлари етиштиришдан ташқари, қайта ишлаш, хизмат кўрсатиш соҳасида ҳам фаолият юритиши бандлик муаммосини ҳал этишга хизмат қилади.Кўп тармоқли фермер хўжаликларини ташкил этишда , қайта ишлаш, хизмат кўрсатиш, соҳасида банд бўлганлар даромадининг қишлоқ хўжалик маҳсулотлари етиштиришда ишловчилар даромадига нисбатан юқори бўлиши, қўшимча ишчи ўринлари яратилиши натижасида қишлоқ жойларда ишсизликнинг камайиши, қайта ишлаш учун атрофдаги фермер ва деҳқон хўжаликларидан хомашё сотиб олиниши ва бунинг натижасида уларнинг сотиш шароитларининг яхшиланиши, қайта ишлаш ва хизмат кўрсатиш соҳасидан олинган даромадни қишлоқ хўжалиги ишлаб чиқаришини ривожлантириш, яъни янги техника, асбоб-ускуналар сотиб олишга йўналтириш имкониятини беради.Қишлоқ жойларида фақатгина фермер хўжаликларини ташкил этиш билан ишсизлик муаммосини ҳал қилиб бўлмайди. Янги иш жойларини ташкил қилиш чора-тадбирларини амалга ошириш, қишлоқ хўжалиги учун зарур бўлган инфратузилма объектларини ташкил қилиш орқали яратиш мумкин.