Muhammad yusuf she’rlarida jins tushunchasini ifodalovchi birliklar poetikasi

MAVZU: Yangi O’zbekiston yoshlari va Uchinchi renessans.


Yo’ldosheva Madinabonu Ulug’bek qizi
Navoiy davlat pedagogika instituti
tarix fakulteti tarix va davlat huquq asoslari 1-kurs talabasi.
Tel: [phone]
E-mail: yo’[e-mail]

Bu yorug’ dunyoga kelgan har bir inson orzu va buyuk maqsadlar bilan yashaydi. O’zining kelajagi yo’lida tinim bilmaydi, turli-tuman rejalar tuzadi, xayrli niyatlar qiladi. Xuddi shunday har bir xalqning, millatning o’z rejalar, maqsadalari, buyuk taraqqiyot yo’li bilan chambarchas bog’langan orzulari bo’lishi tabiiy. Bu maqsadlar va rejalar shunchaki shakllanib qolmasdan, uzoqni ko’zlab aniq natijalarga erishish yo’lida tuzilgan bo’ladi. Har bir maqsad va intilishda o’sha xalqning orzu-niyatlari va kelajakka bo’lgan ishonchi aks etgan va buni amalga oshiradigan munosib avlodni tarbyalash shu xalqning ma’naviyatidan kelib chiqib belgilanadi. Bugungi kunda Yangi O’zbekiston taraqqiyot strategiyasi xuddi shunday hayotbaxsh xususiyat kasb etmoqda. Yangi O’zbekiston butun xalqni yorug’ kelajakka chorlab, taraqqiyot sari barchani umumiy maqsadlar yo’lida birlashtirib borayotgan zamindir. Shu o’rida Prezidentimizning bir gapini eslaylik: “ Yangi O’zbekiston – barchamizning ezgu orzumiz, mehnatkash, tinchliksevar xalqimizning orzusi. Yangi O’zbekistonni bilimli va bunyodkor yoshlarimiz bilan birga quramiz. Yoshlarimiz xalqimizning asriy orzu-umidlarini ro’yobga chiqaradigan buyuk va qudratli kuchdir”⁵⁴. Bu fikrlardan shuni anglashimiz kerakki, har qanday davlatning taraqqiyot yo’li, davlatning jadal rivojlanishi, ulkan muvaffaqqiyat va zafarlarga erishishi, xalqining tinch va farovon bo’lishi ko’proq o’sha davlatning yoshlariga, yoshlarga berilayotgan ta’lim-tarbiyaga bog’liqdir. Chunki, har tomonlama bilimli, salohiyatli yoshlarni hech kim mag’lub eta olmaydi. Shu o’rinda O’zbekistonda ham yoshlar siyosati davlatning ustuvor yo’nalishiga aylantirilmoqda.

O’zbekiston – iqtidorli va bilimli yoshlar mamlakati. Xususan, Yangi O’zbekistonning ham harakatlantiruvchi omili bu barkamol yoshlardir. Yoshlar mamlakatimiz aholisining qariyb 64 % ini, ya’ni 30 yoshgacha bo’lgan yoshlar tashkil etadi.⁵⁵ Demak, O’zbekistonning mehnat resurslarining yarimidan ko’pi yoshlarga to’g’ri keladi.
Hozirgi davrda yoshlar islohotlarning harakatlantiruvchi kuchi va ishtirokchisi, jamiyatning faol qatlami sifatida e’tirof etilmoqda. Shu bois mamlakatimizda eng katta e’tibor mustaqil fikrlaydigan, tashabbuskor, ertangi kunga mustaqil va dadil qadam tashlayotgan yoshlarga qaratilmoqda. Yangi O’zbekiston va “Uchinchi Renesans”ni yaratuvchisi, hayotga va xalqqa tadbiq etuvchi faol qatlam ham yoshlardir. Bu borada O’zbekistonda “Yoshlarga oid davlat siyosati to’g’risida”gi qonun, 2017-yil 7-fevraldagi O’zbekiston Respublikasini yanada rivojlantirish bo’yicha “Harakatlar Strategiyasi to’g’risida”gi, 2018-yil 25-yanvardagi “Umumiy o’rta, o’rta maxsus va kasb-hunar ta’lim tizimini tubdan takomillashtirish chora tadbirlari to’g’risida”gi farmonlari qabul qilingan.⁵⁶ Binobarin, aholisining yarimidan ko’pini yoshlar tashkil etayotgan davlatda yoshlarga oid davlat siyosatining amalga oshirilishi, har tomonlama yetuk va barkamol, salohiyatli, o’zining qat’iy pozitsiyasiga ega, mamlakatida bo’layotgan o’zgarishlarga befarq bo’lmagan, vatan kelajagi uchun dahldorlikka tayyor yoshlarni tarbiyalash Yangi O’zbekistonni dunyoning rivojlangan davlatlari safidan o’rin olishining muhim omili ekanligini anglagan Prezidentimiz harakatdan hech to’xtaganlari yo’q. Aynan shu yoshlar uchun har bir sohada o’zgarishlar amalga oshirmoqda. Tibbiyot, fan, ta’lim, kashfiyot yoki san’atshunosllik deysizmi, barcha sohalarda yoshlar uchun qulayliklar yaratmoqdalar. Eng asosiysi bu islohotlarning natijasini yurtimizda yashayotgan har bir inson, har bir oila o’z kundalik hayotida his etishi uchun doimo harakatda. Biz yoshlar Prezidentimizning bu jabhadagi islohotlarini amalga oshiruvchi qatlami sifatida bilim va ko’nikma olishdan hech qachon charchamaymiz.
Yangi O’zbekiston yoshlarining maqsadi aniq. Shu mashaqqatli maqsad yo’lida bor sharoitlardan to’laqonli foydalangan holda butun dunyoga o’z imkoniyatlarimizni namoyon etish onlari yetib keldi.
Sharqdan ko’tarilib borayogan quyosh yog’dusi kabi Yangi O’zbekiston yangi pog’onlarga qadam qo’ymoqda. Bu pogo’nalarda biz yoshlar mustahkam tayanch sifatida Yangi O’zbekistonni yuqori marralarni egallashi uchun yelkama-yelka bo’lib xizmat qilmog’imiz darkor.
Yurtimiz kechagi, boshqalarning gapiga quloq soladigan O’zbekiston emas. Buguni Yangi O’zbekiston juda katta marralarni ko’zlayotgan, mustaqil va demokratik islohotlarni to’laqonli amalga oshiruvchi ozod va obod yurtdir.
Xulosa qilib aytganda barchamiz “Yangi O’zbekistonda erkin va farovon yashaylik” degan yagona maqsad atrofida birlashib, ma’suliyat va javobgarlikni chuqur his etgan holda fidokorona mehnat qilmog’imiz darkor. Yangi O’zbekistonning ertangi kelajagi bo’lgan yoshlar bugungi imkonyatlardan foydalanib, o’z maqsadlariga erishishi uchun tirishqoqlik bilan ilm o’ganishlari, dunyoning rivojlangan mamlakatlaridagi eng so’ngi ilmiy yangiliklaridan boxabar bo’lishlari va ular bilan bahsga kirisha oladigan boy bilim va tafakurga ega bo’lishlari lozim. Ana shunda xalqimiz kutgan haqiqiy ajdodlarga munosib yuksak tafakkurli avlod Yangi O’zbekistonning Uchinchi Renessani bunyodkorlari bo’lishadi.