Молиявий–иқтисодий инқироз шароитида бюджет тақчиллигини баҳолаш

1.2 Тадқиқот мақсади ва вазифалари
Тадқиқот мақсади, 2008 йилдаги жаҳон молиявий инқирози шароитидаривожланган ва ривожланаётган давлатларда юзага келган бюджет тақчиллигини, ялпи ички маҳсулотнинг ўсиш суръатларига, давлат қарзи ҳамда инфляция даражасигава шу каби макроиқтисодий кўрсаткичларига таъсирини баҳолаш ва таҳлил натижалари асосида тегишли таклифлар, хулосалар ва амалий тавсиялар ишлаб чиқишдан иборат.
Кўзланган мақсадга эришиш учун тадқиқот олдига қуйидаги вазифалар қўйилди:

• 
  Бюджет тақчиллигини баҳолашнинг назарий асосларини ўрганиш;
  
• 
  Бюджет тақчиллиги ва уни келиб чиқиш сабабларини ўрганиш;
  
• 
  Бюджет тақчиллигини ўрнатилиш меёрларини ўрганиш;
  
• 
  Бюджет тақчиллигини баҳолашдаги кўрсаткичлар таркибини таҳлил қилиш;
  
• 
  Молиявий-иқтисодий инқироз даврида бюджет тақчиллигини баҳолаш орқали бюджет тақчиллигини ўрнатилиш меъёри бўйича таклиф ва тавсиялар ишлаб чиқиш.
  

1.3 Тадқиқотнинг асосий муаммолари ва саволлари
Турли мамлакатлар инқироз даврида рақобатбардошликни йўқотмаслик учун турли таҳлилларни амалга оширади, қарорлар қабул қилади ва уларни институционал ёндошув билан амалга оширадилар. 2008 йилдаги глобал инқироз доирасида мамлакатлар ўз инқирозларининг таъсирини камайтириш учун ўзларининг иқтисодиётида турли хил рағбатлантирувчи тадбирларни амалга оширдилар, инқирозга стратегик усулда ёндошдилар ва инқирозни янада чуқурлаштирмаслик учун чора тадбирларни амалга оширдилар.
Бу, ўз навбатида, бир қатор давлатларда аввало, ривожланган мамлакатларда катта миқдордаги давлат бюджети тақчиллиги ва давлат қарзларини келтириб чиқарди, молиявий номутаносибликнинг юзага келишига сабаб бўлди.
Тадқиқот муаммоси шундаки, Жаҳоннинг иқтисодий ривожланган мамлакатларида бюджет тақчиллиги ва давлат қарзини йўл қўйиладиган меёрини белгилаб олишган. Айниқса, Европа Иттифиқига кирувчи мамлакатлар 1993 йилда қабул қилинган “Мастрихт” шартномасига кўра давлат бюджети тақчиллиги меёри ЯИМ нисбатан 3 фиозни давлат қарзи эса 60 фоиздан ортмаслигини белгилаб олганлар. Мазкур давлатлар ушбу келишувларга молиявий инқироз даврларида канчалик амал қилмоқдалар?
Юқоридагилардан келиб чиқиб,молиявий инқироз даврида бюджет тақчиллигини энг ижoбий меёрини aниқлаш ва амалий таклиф ва тавсиялар ишлаб чиқиш заруp.