Молиявий ҳисоб

 
11.4. Аъзолик бадалларининг ҳисоби 
Аъзолик бадаллари маблағларининг бир қисми унинг аъзолари 
бадаллари эвазига вужудга келадиган ташкилотларда мавжуд бўлади. 
Бундай ташкилотларга асосан нодавлат, нотижорат ташкилотлар, масалан 
уюшмалар, ассоциациялар, фондлар ва шу кабилар киради.
Бу турдаги ташкилотларда аъзолик бадалларининг миқдори уларнинг 
устав ҳужжатлари асосида белгиланади. Аъзолик бадалларини тўлаган 
шахсларга аъзолик дафтарчаси берилади. Нодавлат, нотижорат 
ташкилотларда уларнинг аъзоларини ҳисобга олиш дафтари юритилиб, ҳар 
бир аъзога идентификацион рақам берилади. 
Аъзолик бадалларининг ҳисоби 21-сон БҲМСга мувофиқ 8830 
«Аъзолик бадаллари» счётида юритилади. Бу доимий пассив счётнинг 
кредитида аъзолик бадалларини кўпайиши, унинг дебетида эса аъзолик 
бадалларининг камайиши акс эттирилади. 
Нодавлат, нотижорат ташкилотларида аъзолик бадалларини келиб 
тушиши 21-сон БҲМСга мувофиқ касса ва банк ҳужжатлари асосида 
қуйидагича акс эттирилади: 
Дебет 5010 «Касса»,
5110 «Ҳисоб-китоб счёти» 
Кредит 8830 «Аъзолик бадаллари» 
Келиб тушган аъзолик бадаллари жамоат ташкилотларининг даромади 
ҳисобланмайди, мос равишда улар солиққа тортилмайди. Улар нодавлат ва 
нотижорат ташкилотларининг устав мақсади ва вазифаларини бажариш 
билан боғлиқ харажатларни қоплаш учун ишлатилади ёки уларнинг устав 
капиталига, резерв капиталига киритилади. Бу мазмундаги операциялар 21-
сон БҲМСга мувофиқ қуйидаги ёзувлар билан акс эттирилади. 
Аъзолик бадаллари ҳисобини амалиётда юритиш тартиби биз 
томонимиздан «Самарқанд саноатчилар уюшмаси» ҳамда «Ўзбекистон 
Республикаси бухгалтерлар ва аудиторлар миллий Ассоциацияси 
Самарқанд бўлими» мисолларида ўрганиб чиқилди.
Самарқанд саноатчилар уюшмаси ўз уставига мувофиқ Самарқанд 
вилоятида жойлашган ишлаб чиқариш корхоналари фаолиятига илмий-
услубий, ташкилий, маслаҳат, ўзаро фойдали семинарлар, кўргазмалар, 
илмий ғоялар, ишланмалар ва инновацион лойиҳалар ярмаркаларини 
ўтказиш борасида кўмак ишларни олиб боради. Ушбу уюшма ҳозирги 
кунда ўз таркибида 50 дан аъзоларига эга. Уюшмага аъзолик бадали 
1000000 сўм миқдорида белгиланган. Уюшма аъзолари томонидан тақдим 
этилган аъзолик бадаллари саноатчилар ўртасида юқорида номлари зикр 

---

этилган тадбирларга сарфланади. Уюшмада аъзолик бадалларининг келиб 
тушиши ва ишлатилишининг ҳисоби 21-сон БҲМСда белгиланган 
тартибга мос равишда юритади.