Молиявий ҳисоб 1 Ўқув қўлланма

Шахта балансда қуйидагича акс эттирилади:
Кўмир захиралари 1800000
Жамғарилган емирилиш айрилади 115000 1685000
Баъзида ресурс бир йилда қазиб олиниб бошқа йилда сотилади. Шуни эсдан чиқармаслик керакки, бу вазиятда емирилиш харажатлари қайси йилда сотув амалга оширилган бўлса ўша йилда тан олинади. Сотилмаган қисми захиралар сифатида кўрилади.
Топшириқ
А компанияси Б компаниясини 25,000 ш.б. сотиб олди. Сотиб олиш санасига Б компанияси 23,400 ш.б. ҳаққоний қиймати бўйича соф активларга эга. Шаклланган гудвиллни компания 20 йил давомида амортизациялашга қарор қилди. Гудвилл бўйича ҳар йиллик амортизацияси харажатлари қанча?


X ­ МАВЗУ. ДИСКОНТЛАНГАН ПУЛ ОҚИМЛАРИ.
БЎЛҒУСИ ВА ЖОРИЙ ҚИЙМАТ

1. 
   Дисконтланган пул оқимлари
   
2. 
   Фоизлар ва бўлғуси қиймат
   
3. 
   Жорий (дисконтланган) қиймат
   

4. Аннуитетлар
Бухгалтерия ҳисобининг айрим стандартларида, айнан узоқ муддатли активлар ва/ёки мажбуриятлар масалаларида, масалан, молиявий ижарада, облигацияларда, узоқ муддатли қарзларда, олинган ва берилган векселларда, шунингдек инвестициялар бўйича қарорларни қабул қилишда ва умуман маълум бир вақт давомида мураккаб фоизлар ишлатиладиган ҳар қандай ҳолларда, дисконтланган пул оқимлари деб аталадиган тушунча қўлланилади.
1. Дисконтланган пул оқимлари
Вақт ва пулнинг ўзаро боғланиши:

• 
  Пуллар фойда олиш мақсадларида сарфланади;
  
• 
  Молиявий қўйилмалар ушбу харажатларни оқлаш учун қўшимча фойда ёки тежашга олиб келиши зарур. Бироқ, шуни қайд қилиш зарурки, қўйилмаларни оқлаш учун олинадиган фойда ёки даромад етарли даражада катта бўлиши керак;
  
• 
  Молиявий қўйилмаларни самарали деб ҳисобланиши учун, улар инвесторга энг камида шундай даражада фойда ёки даромад олиб келиши керакки, уларни олиш учун кутиладиган вақт давомийлигини ўрнини тўлдириш имкониятини таъминлансин.
  

Шундай қилиб, молиявий қўйилмаларга оид дастурларни баҳолашда молиявий қўйилмалар турли вақт давомида берилганлигини ҳисобга олган ҳолда етарли даражада фойда олиб келишини аниқлаш керак. Пул оқимларни дисконтлаш усули – бу пул қийматини вақт бўйича ўзгаришини ҳисобга оладиган усулдир.
Дисконтланган пул қийматини қўлланилиши инфляцияга боғлиқ эмаслигини тушуниш жуда муҳим. Бошқа сўз билан айтганда, агар инфляция нолга тенг бўлса ҳам, пул бари бир инвестиция қилинганда олиб келиши мумкин бўлган келгуси даромадларни ҳисобга олган ҳолда маълум қийматга эга (муқобил харажатлар ёки бой берилган фойда назарияси).