Молиявий ҳисоб 1 Ўқув қўлланма

Инвестиция фаолияти – пул эквивалентларига киритилмайдиган узоқ муддатли активларни ва бошқа инвестицияларни олиш ва сотиш, қопланадиган кредитларни бериш ва олиш.
Инвестиция фаолияти натижасида, содир бўладиган пул маблағларининг ҳаракатларига қуйидагилар мисол бўлиши мумкин:

Пул маблағларининг оқиб келиши	Пул маблағларининг оқиб кетиши
Ер, бинолар, ускуналар, номоддий ва бошқа узоқ муддатли активларни сотишдан тушумлар	Ерни, биноларни, ускуналарни, номоддий (масалан, патентларни) ва бошқа узоқ муддатли активларни сотиб олиш тўловлари, капиталлаштириш билан боғлиқ тажриба-конструкторлик ишларига тўловлар, ҳамда пудратчиларни жалб қилмасдан корхона томонидан яратиладиган ер, бино, ускуналарга тўловлар
Бошқа ташкилотларнинг акцияларини ёки бошқа қарз мажбуриятларини чиқиб кетишидан/сотилишидан киримлар (пул маблағларининг эквивалентлари деб ҳисобланган ёки сотув учун сақланадиган мажбуриятлар учун бўладиган тўловлардан ташқари)	Бошка корхоналарнинг акцияларига ёки қарз мажбуриятларига қўйилмалар. Капиталда иштирок этиш улушига бадаллар (пул маблағларининг эквивалентлари ҳисобланган ёки сотиш учун сақланаётган тўлов хужжатлари бўйича тўловлардан ташқари)
Бошқа корхоналарга берилган бўнакларнинг қайтарилиши ва қарзларнинг тўланишидан киримлар (операцион фаолият бўлган фоиз даромадларидан ташқари)	Бошқа корхоналарга берилган бўнак тўловлари ва қарзлар

Молиявий фаолият – бу фаолият натижасида корхонанинг хусусий капитали ва қарзлари ҳажми таркибида ўзгаришлар содир бўлади. Қуйидагилар молиявий фаолиятдаги пул оқимларига мисол бўлади: