Молиявий ҳисоб 1 Ўқув қўлланма

Топширик:
2004 йилда содир бўлган шартли воқеа бўйича қуйидаги ҳолатларда қандай ҳаракат қилмоқ керак? Ҳамма зарур ўтказмаларни беринг ва /ёки тушунтириш хатида маъносини ёритилишини беринг:
1. Фараз қилайлик, адвокат ва компания раҳбарияти шундай хулосага келдики, компания жавобгарлиги ҳисоб бўйича 40,000 ташкил этади.
2. Фараз қилайлик, адвокат, бош бухгалтер ва раҳбарият хоҳишсиз даъвони қондириш эҳтимоли борлиги ҳақидаги хулосага келдилар, лекин даъво суммасини аниқлашга қийналмокдалар.
3. Фараз қилайлик, ишда иштирок этувчи адвокат ва компания раҳбарияти хулосасига кўра шартли зарар бўлмайди. Улар даъво аниқ шароитларга мос келмаслигига ишонадилар.


XIX - МАВЗУ. ХАТОЛАРНИ ТУЗАТИШ
1. Хатолар тури
2. Хатоларни тузатиш усуллари ва ёритишлар
1. Хатолар тури
Олдинги даврлар бўйича молиявий ҳисоботларни тузиш пайтида йўл қўйилган хатоларни муҳим ва муҳим бўлмаганларга ажратиш мумкин.
Агар хато молиявий ҳисобот асосида фойдаланувчиларнинг қабул қилган иқтисодий қарорига таъсир кўрсатса, у муҳим деб ҳисобланади. Муҳим хатолар – ҳисобот даврида аниқланган олдинги даврларнинг хатолари, улар шунчалик муҳимки, оқибатда олдинги даврларнинг молиявий ҳисоботини улар тайёрланган санага ҳаққоний деб ҳисоблаб бўлмайди.
8-МҲХС “Давр бўйича соф фойда ёки зарар, асосий (жиддий) хатолар ва ҳисоб сиёсатидаги ўзгартиришлар”га мувофик асосий (жиддий) хатоларга таъриф берилган:
Асосий (жиддий) хато – бу жорий даврда шунчалик аниқланган муҳим бўлган хатоки, бир ёки ундан кўпрок олдинги даврлар бўйича молиявий ҳисоботларни тайёрланган пайтига ҳаққоний деб ҳисоблаб бўлмайди.
Бир ёки бир неча олдинги даврлар бўйича молиявий ҳисоботни тайёрлаш пайтида содир этилган хатолар жорий даврда аниқланиши мумкин.
Хатолар:

• 
  математик янглишишлар;
  
• 
  ҳисоб сиёсатининг нотўғри қўлланиши;
  
• 
  маълумот бузиб кўрсатилиши, алдаш ёки эътиборсизлик натижасида вужудга келиши мумкин.
  

Ушбу хатоларни тузатиш одатда жорий давр бўйича соф фойдани ёки зарарни ҳисоблашда ҳисобга олинади. Кам ҳолатларда хато бир ёки бир неча ҳисобот даврлари бўйича молиявий ҳисоботларга шунчалик муҳим таъсир кўрсатадики, бунда энди ушбу ҳисоботларни тайёрланган санага ишончли деб ҳисоблаб бўлмайди. Ушбу хатолар асосий (жиддий) деб аталади. Асосий (жиддий) хатоларнинг мисоли тариқасида олдинги даврнинг молиявий ҳисоботларига тугалланмаган ишлаб чикаришнинг аҳамиятли суммаларини ёки кучга киритилиши мумкин бўлмаган сохталаштирилган шартномалар бўйича дебиторлик қарзларни киритилишини келтириш мумкин. Олдинги даврларга тааллуқли бўлган асосий (жиддий) хатоларни тузатиш солиштириладиган маълумот янгиланишини ёки қўшимча истиқболли маълумотни талаб қилади.