Молияга оид атама ва ибораларнинг изоҳли луғати а актуар ҳисоб-китоблар

Ю

Юридик шахслардан олинадиган солиқлар – қўшилган қиймат солиғи, корхона ва ташкилотларнинг даромади (фойдаси)дан олинадиган солиқ, акцизлар, йўл фондини шакллантириш учун манба сифатида фойдаланиладиган солиқлар, корхона мол-мулки солиғи, ер учун тўловлар, реклама солиғи, биржада амалга оширилган битимлардан олинадиган йиғим, маҳаллий аукцион ва лотереяларни ўтказиш ҳуқуқи учун лицензия йиғим, бошқа солиқ, йиғим ва мажбурий тўловлардан иборат.


Я


Яширин солиқ - истеъмолчи томонидан бевосита тўланмайдиган, лекин унга мўлжалланган маҳсулотнинг баҳоси таркибига уни огоҳлантирмасдан, унга хабар бермасдан, унга билдирмасдан киритилган солиқ. Масалан, божлар.


Ў

Ўзаро суғурта жамияти – нотижорий типдаги суғурта ташкилоти, ўзларининг мулкий манфаатларини суғурта ҳимояси учун бадал асосида вужудга келган жисмоний ва юридик шахсларнинг ихтиёрий бирлашмаси сифатида амал қилади (фаолият кўрсатади).

Қ

Қайта суғурталаш – баланслаштирилган (мувозанат-лаштирилган) суғурта портфелини яратиш мақсадида суғурта объекти бўйича суғурталовчи мажбуриятларининг бир қисмини бошқа суғурталовчига бериш билан боғлиқ бўлган иқтисодий (молиявий) муносабатлар тизими.

Қорақалпоғистон Республикасининг бюджети – Давлат бюджетининг Қорақалпоғистон Республикаси пул маблағлари фондини ташкил этувчи бир қисми бўлиб, бюджетда даромадлар манбалари ва улардан тушумлар миқдори, шунингдек молия йили мобайнида аниқ мақсадлар учун ажратиладиган маблағлар сарфи йўналишлари ва миқдори назарда тутилади.
Қимматли қоғозлар – ўзининг эгасига дивидент ва фоиз кўринишида даромад олиш ҳуқуқини берувчи мулк титули. Уларнинг таркибига акциялар, облигациялар ва бошқалар киради.
Қўшилган қиймат – сотилган (реализация қилинган) маҳсулотлар, ишлар ва хизматлар қиймати билан ишлаб чиқариш ва муомала харажатларининг таркибига киритилган моддий харажатларнинг қиймати ўртасидаги фарқ.