«Молия» терминининг этимологияси жуда чуқур тарихий илдизга эгадир. Аксарият тадқиқотчилар “Маълум даражада шартлашилган пулни тўлаш”-деган маънони англатувчи “Finis” лотин феъли терминидан келиб чиққанлигини эътироф этишади

• 
  «Молия» терминининг этимологияси жуда чуқур тарихий илдизга эгадир. Аксарият тадқиқотчилар “Маълум даражада шартлашилган пулни тўлаш”-деган маънони англатувчи “Finis” лотин феъли терминидан келиб чиққанлигини эътироф этишади. Мазкур феълнинг хосиласи сифатида XIII—XIV асрларда итальян тилида “finansia” термини пайдо бўлди ва мазкур терминнинг сўзма сўз таржимаси “пул тўлови” деган маънони англатар эди.
  
• 
  Нисбатан кенгроқ иқтисодий тушунча сифатида “молия” терминини француз иқтисодчиси Ж.Боден ўзининг машҳур “Республика хақидаги олти китоб”(1577 й.) номли китобида илмий муомалага киритди.
  
• 
  Мазкур китобда молия терминининг илмий талқин этилиши натижасида дастлабки молия назарияси ёки молия хақидаги фанга асос солинди.
  

Давлат, маҳаллий ҳокимият органлари, хўжалик субъектлари, жисмоний шахслар тасарруфидаги пул маблағлари мажмуаси молиявий ресурслар деб аталади. Молиявий ресурслар манбалари сифатида қуйидагиларни кўрсатиш мумкин:

• 
  Хўжалик субъектлари миқёсида: фойда, амортизация фонди, қимматли қоғозлар реализациялари, банк кредитлари, фоизлар, дивидендлар;
  
• 
  Жисмоний шахслар миқёсида: иш ҳақи, мукофотлар, қўшимча иш ҳақи, ижтимоий тўловлар, сафар ҳаражатлари, тадбиркорлик фаолиятидан олинган даромадлар;
  
• 
  Давлат ва маҳаллий ҳокимият органлари миқёсида: давлат унитар корхоналари фойдаси, давлат мулкини хусусийлаштиришдан тушумлар, ташқи иқтисодий фаолиятдан даромадлар, солиқ тушумлари, давлат кредити, пул эмиссияси.
  
• 
  Молиявий ресурслар - бу ЯИМ ва миллий даромадни тақсимлаш ва қайта тақсимлаш натижасида хўжалик юритувчи субъектлар ва давлатнинг қўлидаги вақтинча бўш пул маблағлари йиғиндисидир.
  

Молиявий ресурсларнинг манбалари қуйидагилардан иборатдир:

• 
  Миллий даромад;
  
• 
  Ташқи иқтисодий фаолиятдан тушумлар;
  
• 
  Миллий бойликнинг бир қисми;
  
• 
  Қарзга олинган маблағлар.
  
•