Модуль номи: Жаҳон савдо ташкилоти ҳуқуқи № Казуслар

A.M.Хакимов

	Estabona davlati so’nggi yillarda “Qayta tiklanadigan resurslar”ga alohida e’tibor qarata boshladi va juda ko’plab davlat byudjetidan sarmoyalarni aynan shamol elektr stansiyalari va quyosh elektr stansiyalarini qurishga sarfladi. Natijada, davlatning har bir viloyatida juda katta hajmdagi qayta tiklanadigan resurslardan elektr ishlab chiqaruvchi stansiyalar paydo bo’ldi. Ammo ushbu elektrning narxi odatdagi gidro elektr stansiyalar (GES)da ishlab chiqariladigan elektrdan ikki barobar qimmatroq edi. 2021-yilning mart oyida Estabona davlati parlamenti “Qayta tiklanadigan resurslardan elektr ishlab chiqaruvchi stansiyalar”dan barcha korxonalar, zavod va fabrikalar o’zlari kunlik ishlatadigan elektr tokining 45% ni sotib olishi kerakligini nazarda tutuvchi qonunni qabul qildi. Bu esa Estabona davlatida katta GESlari mavjud bo’lgan va ulardan daromad ko’ruvchi Denda va Karma davlatlarining investorlariga jiddiy zarba bo’ldi. Denda va Karma davlatlari Estabona davlatidan chiqarilgan qonunni bekor qilishni so’rashdi. Ammo Estabona davlati qonunni tabiatni asrash va atrof-muhitni muhofaza qilish yo’lida qabul qilganini ta’kidladi. Vazifa. Mazkur vaziyatda Denda va Karma davlatlari malakali advokat sifatida sizning yordamingizga muhtoj. TRIMs kelishuvining tegishli qoidalaridan foydalangan holda ularga yordam bering.	A.M.Хакимов
	Davlatlarning Jahon savdo tashkilotiga (JST) aʼzo boʼlish jarayoni oʼzida bir qator kompleks chora-tadbirlarni koʼzda tutadi. Ularning ichida eng muhim oʼringa ega boʼlagan talablardan biri bu mamlakat milliy qonunchiligini JST kelishuvlari va talablariga moslashtirish hisoblanadi. Аʼzolikka nomzod davlatlar savdoni tartibga solishga doir tarif va notarif usullarni, bojxona protseduralarini, investitsiyalarni tartibga solish, intelektual mulkni tartibga solishga oid oʼzining milliy qonunchilik normalarini toʼliq qayta koʼrib chiqishi lozim. JST aʼzosi bo’lgan G davlatning fikricha ushbu chora-tadbirlar davlatlarning ichki ishlariga aralashish hisoblanadi. JST ga aʼzolikka qabul qilinayotgan O’zbekiston misolida savdoni tartibga solishga doir tarif va notarif usullarni, bojxona protseduralarini, investitsiyalarni tartibga solish, intelektual mulkni tartibga solishga oid Oʼzbekiston milliy qonunchiligini tahlil qilgan holda quyidagi savollarga javob bering. Vazifa. Mazkur vaziyatga ikki huquq tizimi: xalqaro huquq va ichki huquq tizimining o’zaro nisbati nuqtai nazaridan kelib chiqib xulosa chiqaring. O’zbekiston JSTga a’zo bo’lsa qaysi huquq tizimi asosida kelib chiqadigan munosabatlarni hal qiladi. Agarda O’zbekisto JSTga a’zo bo’lgandan keyin uning normativ-huquqiy hujjatlari JST kelishuvlariga zid kelib qolsa muammo qay tarzda hal etilishini yoritib bering.