модул Ўзбекистон республикаси

Жиҳоз ва материаллар: қаҳрамонлар костюмлари,эртакка оид жиҳозлар.


Фаолиятнинг бориши:

1. 
   Болалар биргаликда эртак мазмунини эслайдилар;
   

2. 
   Ролларни тақсимлайдилар ва мос кўринишларни танлайдилар;
   

3. 
   Эртак сюжетини ижро этадилар.
   

Қўшимча қисм: ролларни алмашишлари мумкин.

Эътиборга молик жиҳати: бир-бирини эшита олиши; жамоада дўстона фаолият олиб бориш, ўйнаш, ижодий фаолликни намоён қилиш.

1. 
   Қуриш-ясаш ва математика маркази
   

Қуриш-ясаш ва математика марказини жихозлашда қуйидаги кўргазмалардан фойдаланилади: кублар, конструкторлар, геометрик

шакллар, лего, мозайка, рақамлар, домино, лото, саноқ чўплар, танграм, қурилиш блоклари, математик белгилар.

Қуриш-ясаш ва математика марказидан фойдаланишнинг мақсади: санашни билиш, шаклни номини билиш, ранг ва шаклларни фарқлаш, тасаввур доирасини кенгайтириш, болаларни жамоа бўлиб ишлашга ўргатиш, расмларни қисмларга ажратиш, қисмлардан бутун яратиш, мантиқий фикрлаш қобилиятини ва қўл моторикасини ривожлантириш, катта-кичикни таққослаш, диққат ва тасаввурини ўстириш, тасаввур ва нутқни ривожлантириш.


Қуриш-ясаш ва математика маркази Қурилиш материалларидан рақамлар қурамиз

Мақсад: қурилиш материалларидан йирик ҳарфлар қуриш, 10 гача бўлган сонлар кетма-кетлигига эътиборини қаратади. Геометрик шакллар, ўлчамлар номларини билади ва уларни айта олади.

Жиҳоз ва материаллар:кубиклар, геометрик шакллар, қурилиш блоклари, расм намуналари.

Фаолиятнинг бориши:

1. 
   Рақамлар акс этган расмларни кўриб чиқиш ва уларнинг бўлакларини таҳлил қилиш;
   

2. 
   Рақам бўлаклари ўхшашликларини таққослаш ва уларни тўғри кетма-кетликда жойлаштириш;
   

3. 
   Йирик рақамларни қуриш ва уларни тўғри кетма-кетликда жойлаштириш;
   

4. 
   Болалар ишларини муҳокама қилиш ва рағбатлантириш.
   

Қўшимча қисм: болалар рақамларни майда қурилиш материалларидан фойдаланиб қуришади.

Эътиборга молик жиҳати: болаларни жамоадаишлашга ўргатиш; фикрлашни, тасаввур ва нутқни ривожлантириш; Ҳаёт хавфсизлиги қоидалари.