Модул бўйича соатлар тақсимоти

Фуқаролик жамияти
Ижтимоий макон бўлиб, инсон хуқуқ ва эркинликлари, манфаатлари устуворлиги принципи асосида, фуқароларнинг давлат ва жамият бошқарувида фаол иштирок этишга асосланган жамиятдир.
Фуқаролик жамияти институтлари	Фуқарорларни тегишли ННТ, жамият бирлашмалари ва хакозолар орқали давлат ва жамият бошқарувида фаол иштирокни таъминлашни устувор мақсади этиб белгилаб олган институтлар.
Фундаментализм	Сўзи лотинчадан келиб чиққан бўлиб, асос, пойдевор маъносини билдиради. Фундаментализм барча динларга ҳос бўлиб, унда диннинг асли қандай бўлса, шундайлигича сақлаб қолишга ҳаракат қилинади. Фундаментализм – яъни ақидапарастлик – маълум дин вужудга келган илк даврига қайтиш ва шу йўл билан замонанинг барча муаммоларини ҳал қилиш мумкин деган фикрни илгари сурувчиларнинг қарашларидир. Диний фундаментализм – дин ақидаларини сўзма-сўз талқинига асосланган эътиқодни ақлга таянган мантиқий далиллардан устун қўядиган, муайян дин, шу жумладан Ислом дини эътиқоди шаклланишининг бошланғич яъни Муҳаммад алайҳи вассалам даврларида белгиланган барча йўл-йўриқларнинг қатъий ва оғишмай бажарилишини талаб қиладиган тушунчадир.
Халқ оғзаки ижодиёти	ўтмиш даврлари ва унинг ижодкорлари ҳақида маълумот берувчи маънавий бойлик, халқ даҳосининг кўзгуси, ҳикматлар хазинасидир. Оғзаки ижодиётнинг жамики бойликлари , бебаҳо асарлари, одобнома ва одатномаси, ҳикматларию, афсона ва ривоятлари “халқ кўнглидаги қайғу-ҳасрат ва шодликнинг йўлдоши, унинг билим қомуси, унинг диний ва фалсафий китобидир
Ҳизбут – Таҳрир	«Ҳизб» сўзининг луғавий маъноси-гуруҳ, фирқа, партия, тобе кишилар демакдир. «Ҳизбут таҳрир» нинг тўла номи «Ҳизбут таҳрир ал-исломий» - «Ислом озодлик партияси» бўлиб у норасмий сиёсийлашган диний оқим саналади. «Ҳизбут тахрир» 1928 йилда Миср Араб Республикасининг Исломия шаҳрида ташкил топган «ал-Иҳвон ал-Муслимун» - «Мусулмон биродарлари» диний-сиёсий ташкилотидан 1952 йилда ажралиб чиққан фирқадир. Бу фирқанинг асосчиси шайҳ Тақиюддин Набаҳоний (1909-1979)дир. Ҳозирда бу диний-сиёсий партияни фаластинлик Абулқадим Заллум бошқариб келмоқда. Бугунги кунда унинг штаб-квартираси Лондонда жойлашган. Ҳизбут таҳрир диний-сиёсий партия бўлиб, у фикрга (кишилар онгига таъсир қилиш, ўзгартириш) бош қурол сифатида суянган ҳолда исломий ҳалифаликни қайта тиклашни мақсад қилиб олган. Президентимиз таъкидлаганидек: «Авваламбор, улар, ёшларни ўз таъсирига олади, онгини заҳарлайди. Ақл-ҳушуни йўқотган мана шундай одамларни тайёрлаб, кейин қўлига қурол беради. Уларни ўз Ватанига, ўзини одам қилиб вояга етказган эл-юртига қарши қўяди»