Mishyak, surma, vismut va ularning birikmalari

13. Vismut metalining kislota eritmalari bilan o’zaro ta'sirlanishi.
(Ishni mo’rili shkafda bajaring)
Ikkita probirkaga vismut metalining bo’lakchalaridan soling. Bir probirkaga ozgina konsentrlangan H₂SO₄, ikkinchisiga esa suyultirilgan HNO₃ eritmasidan quying. Sovuq holda reaksiya sodir bo’ladimi? Tushuntiring. Probirkani ehtiyotlik bilan qizdiring. Vismutni HNO₃ eritmasi bilan ta'sirlanishida qanday gaz ajralib chiqadi?
Vismutni konsentrlangan H₂SO₄ eritmasi bilan ta'sirlanishidan qanday gaz ajralib chiqishini tajribada (hidi bilan) aniqlang. Reaksiya tenglamalarini va elektron o’tish tartibini yozing.


14. Vismut (III) oksidining olinishi va xossalari
Bir necha vismut (III) nttrati kristallarini tigel qopqog’i ustida parchalanguncha qizdiring. Reaksiyada qanday mahsulotlar hosil bo’ladi. Ularni rangiga e'tibor bering. Sovitish jarayonida reaksiya mahsulotlari rangini o’zgarishini kuzating. Vismut (III) nitratni parchalanish reaksiyasi tenglamasini yozing.


15. Vismut (III) gidroksidining olinishi va xossalari.
Vismut (III) nitritidan vismut (III) gidroksidini oling. Reaksiya tenglamasini yozing, Olingan cho’kmani suyultirilgan kislota va ortiqcha ishqor eritmalariga munosabatini sinab ko’ring. Nima kuzatiladi. Vismut (III) gidroksidi qanday xossalarni namoyon qiladi. Reaksiya tenglamalarini molekulyar va ionli shaklda yozing.


16. Vismut (III) tuzlarining gidrolizi.
Ozgina vismut (III) nitratini bir necha tomchi suvda eriting. Eritmada indikator rangi o’zgarishini tushuntiring.
Cho’kma tushguncha eritmani distillangan suv bilan suyultiring.
Cho’kmaga tushgan modda Bi(NO₃)₃ bo’lsa, gidroliz reaksiyasi tenglamasini yozing. U qanday hosil bo’ladi?
17. Vismutatlarni oksidlovchilik xossalari.
2 n.li HNO₃ eritmasi qo’shilgan marganets (II) sulfat eritmasiga ozgina qattiq holdagi natriy yoki kaliy vismutatni qo’shing. MnO₄^- ioniga xos bo’lgan eritma rangiga e'tibor bering. Reaksiya tenglamasini yozing. Bu reaksiyada natriy vismutat qanday xossalarni namoyon qiladi? Nitrat kislotasining o’rni nimada?