Mishyak, surma, vismut va ularning birikmalari

4. Arsenit kislotasi tuzlarining xossalari.

1. 
   3 b) tajribada olingan natriy tetragidroksoarsenit (III) Na[As(OH)₄] eritmasiga cho’kma tushguncha kumush nitrat eritmasidan qo’shing. Cho’kmaning rangiga va holatiga e'tibor bering. Reaksiya tenglamalarini molekulyar va ion holida yozing.
   

1. 
   3 b) tajribada olingan natriy tetragidroksoarsenat (III) ning 2-3 ml eritmasiga yodli suv quying. Eritma rangining o’zgarishini kuzating va tushuntiring. Reaksiya tenglamasini va elektron o’tish tartibini yozing. Bu tajribada natriy tetragidroksoarsenit (III) qanday xossalarni namoyon qiladi?
   

5. Arsenat kislotasi, uning tuzlarini olinishi va xossalari
( a) tajriba mo’rili shkafda bajarilsin)
a) Chinni kosachaga taxminan 0,5 g mishyak (III) oksidini soling va 5 ml kons. HNO₃ eritmasini qo’shing. Aralashmani reaksiya tugaguncha past olovda qizdiring. (Nima kuzatiladi?). So’ngra eritmani quruq holdagi qoldiqqacha bug’lating (nima uchun?). Hosil bo’lgan mahsulotni suvda eriting. Indikator qog’ozi bilan tekshiring. Reaktsiya tenglamasini yozing. Eritmani keyingi tajriba uchun saqlab qo’ying.
b) Arsenat kislotasi eritmasiga (a) tajribadagi) yoki natriy arsenat
eritmasiga kumush nitrat eritmasidan qo’shing. Cho’kmaning rangiga va holatiga e'tibor bering. Reaksiya tenglamasini yozing.
Suvli eritmada [As(OH)₄]⁺ va AsO₄^3- ionlari borligini kumush nitrat eritmasi orqali qanday bilish mumkin?
c) 1 ml KJ eritmasiga 2-3 ml konsentrlangan HCI eritmasidan va ozgina natriy arsenat eritmasidan qo’shing. Eritma rangining o’zgarishini kuzating va tushuntiring. Tahmin qilingan tushuntirishni tasdiqlovchi tajribani bajaring. Reaksiya tenglamalarini yozing. Bu reaksiyada natriy arsenat qanday xossalarni namoyon qiladi?
Oksidlanish-qaytarilish reaksiyalaridan foydalanib, 4 b) va 4 c) tajribalarni solishtirib, eritmadagi [As(OH)₄]⁺ va AsO₄^3- ionlarini qanday qilib aniqlash haqida xulosa chiqaring.