Mishyak, surma, vismut va ularning birikmalari

10. Surma(III) tuzlarining gidrolizi
Bir necha tomchi suvda surma (III) xloridini eriting. Eritmani indikator qog’ozi bilan sinab ko’ring. Lakmus qog’ozi rangi o’zgarishini tushuntiring.Cho'kma hosil bo’lgunicha distillangan suv qo’shing. Nima uchun eritmani suyultirilganda cho’kma hosil bo’lishini tushuntiring.
Surma (III) xloridini gidrolizida surma (III) oksoxlorid cho’kmasi hosil bo’lishini e'tiborga olib gidroliz reaksiyasi tenglamasini yozing. U qanday hosil bo’ladi?
Hosil bo’lgan cho’kmaga bir necha tomchi konsentrlangan HCl eritmasidan tomizing. Sodir bo’lgan o’zgarishlarni kuzating va tushuntiring. Eritmani keyinchalik suv bilan suyultirilganda yana cho’kma hosil bo’ladi. Tushuntirib bering.


11. Surma kislotasini olinishi va uning xossalari
(Ishni mo’rili shkafda bajaring)

1. 
   Probirkada ozgina surma kukunini batamom erimaydigan oq surma
   kislotasi hosil bo’lguncha konsentrlangan HNO₃ eritmasi bilan qizdiring. Hosil bo’lgan cho’kma Sb₂0₅·H₂O tarkibga ega. Surma kislotasining asosiy
   koordinatsion formulasi H[Sb(OH)₆]. Reaksiya tenglamasini yozing. Surmaning konsentrlangan HNO₃ va H₂SO₄ eritmalari bilan ta'sirlanishidan hosil bo’lgan mahsulotlarni solishtiring (7-tajribaga qarang).
   

1. 
   Surma kislotasi cho’kmasini ikki probirkaga bo’ling. Cho’kmani NaOH va konsentrlangan HCl eritmalariga munosabatini sinab ko’ring. Surma
   kislotasining kimyoviy xossalari haqida xulosa chiqaring. Olingan surma (V) xlorid eritmasini 12-tajriba uchun saqlang. Reaksiyalarni molekulyar va ionli xolida yozing.
   

12. Surma(V) birikmalarining oksidlovchilik xossalari.
KJ eritmasiga 11-b tajribada olingan surma (V) xlorid eritmasidan ozgina soling. Erkin yod borligini isbot qiling. Reaksiya tenglamasini yozing va elektronlar o’tishini ko’rsating. Bu reaksiyada SbCl₅ qanday xossalarni namoyon qiladi?