Мирзо улуғбек номидаги ўзбекистон миллий университети ижтимоий фанлар факультети

МИРЗО УЛУҒБЕК НОМИДАГИ
ЎЗБЕКИСТОН МИЛЛИЙ УНИВЕРСИТЕТИ
ИЖТИМОИЙ ФАНЛАР ФАКУЛЬТЕТИ


Психология кафедраси 70310901- Психология (Амалий психология) магистратура мутахассислиги I босқич магистранти Орзиқулова Чарос Рахматовнанинг “Касбий деформациялар профилактикаси ва коррекцияси бўйича практикум” фанидан


ЖОРИЙ НАЗОРАТ ИШИ


4-мавзу. Шахс касбий деструкциялари касбий деформация намоён бўлишининг шакли сифатида.


Режа:

1. 
   Касбий деструкция тушунчаси ва унинг шахс деформацияси билан боғлиқлиги.
   
2. 
   Деструкция ва деформация орасидаги фарқлар.
   
3. 
   Касбий деструкцияларнинг турлари ва даражалари.
   
4. 
   Педагогик фаолият турларида шахсни касбий деструкцияси хусусиятлари.
   

Касбий деструкция ва деформациянинг психологик муаммолари
Маълумки, хар қандай касбий фаолият ўзининг ривожланиш босқичиданоқ ва кейинчалик амалга ошиш даврида шахсни ўзгартиради. Кўплаб турдаги касбларда касбий босқичга кўтарилиш даврида касбий деструкциянинг ривожланиши кузатилади. Айникса, “инсон - инсон” типидаги ижтимоий касбдагиларда бу якколроқ намоён бўлади. Албатта, касбий деформациянинг юзага чиқиш даражаси ва характери ушбу фаолиятнинг таркиби, касбнинг нуфузи, иш тажрибаси хамда шахснинг индивидуал психологик ҳусусиятларига боғглиқкдир.
“Касбий деформация” атамаси Питир Сорокин томонидан фанга киригилган бўлиб, у касбий фаолиятнинг инсонга зарарли таъсири маъносини англатади. Касбий деформация шахс, жумладан педагог фаолиятининг ривожланиши ва шаклланишига таъсири С.Г.Геллерштейн (1930), А.К.Маркова (1996), Е.В.Руденский (1998), Е.ИРогов (1998), Э.Ф.Зеер (1999, 2003, 2005), С.П.Безносов (2004), Р.М.Грановская (2010), С.А.Дружилов (2013) ва бошка олимлар ишларида етарлича ва кенг урганилган .
Касбий деформация (лотин тилидан - deformatio - бузилиш) - касбий фаолиятда ташқи ва ички омилларнинг доимий босими натижасида юзага келадиган ва специфик-касбий типдаги шахс шаклланишига олиб келадиган когнитив бузилиш, шахснинг психологик дезориентациясидир. Касбий деформация касбий фаолият жараёнида шахснинг психологик структурасининг издан чиқишига олиб келувчи омил ҳисобланади. Касбий деформацияда мутахассис фаолият структураси ва шахсий хусусиятларининг ўзгариши, меъёридан оғиши кузатилса, касбий деструкнияда касбий деформациянинг оғир кўриниши яъни, шахс хусусиятлари ва фаолияти структурасининг бузилиши юзага келади. “Касбий-деформация” ва “касбий деструкция” орасидаги фарк; салбий белгиларнинг юзага чиқиш даражасига боғлик бўлмасдан, балки турли психологик механизмларда кузатилади.