Мирзо улуғбек номидаги ўзбекистон миллий университети ижтимоий фанлар факультети

Касбий деформациялар - шахснинг касбий мухим хусусиятлари профилининг бузилишидир.
Сусткашликка урганиш (кўникиш) -ўз зиммасига масъулият олмаган холда яшашга кўникиш. Ушбу деструкция педагогнинг ўкувчиларга, ишга нисбатан муносабатларида, хатти-харакатларнинг натижалари орасидаги хакикий алоқа йуклиги нихоятда кучли сезилганда, педагог ўз фаолияти ва килмишлари самарасизлигида, уларга зарурият сезмаслигига кўп марта амин бўлганда юзага келади. Педагогик жамоани бошкаришнинг авторитар услуби урганилган ожизликнинг ривожланишига кўмаклашади. Сусткашликка ўрганиш аломатлари пассивлик, ғамгинлик, хавотирланиш, адоватлилик, когнитив етишмаслик, иштаха, иммунитет ва ўз-ўзини бахолашнинг пасайиши, нейрокимёвий жараёнларнинг узгариши хисобланади. Ушбу сусткашликни тузатиш ва унинг олдини олишнинг самарали усуллари педагогларнинг салбий касбий-педагогик воқеаларга толерантлигини ошириш, ютуқ, ва муваффакиятга интилиш мотивациясини ривожлантириш, юз бераётган воқеалар устидан назорат килиш хамда бошкара олишни англаб етишнинг кучайтириш, педагогик муаммоли вазиятларни хал этиш кўникмаларини ва мураккаб вазиятларда жавоб беришнинг эвристик турини ривожлантириш, катъийликни хамда ўзига ва теварак атрофга ижобий муносабатни ривожлантириш, шунингдек, мустакилликни рагбатлаштиришдан фойдаланиш хисобланади.
Касбий маргинализм. Е.П.Ермолаеванинг фикрича, касбий маргинализм - ушбу касб учун ижтимоий мақбул бўлган касбий маънавиятга дахлдор эмаслигининг шахсий позицияси ва унга тегишли бўлмаслик туйғусидир. Касбий маргинализм ижтимоий ахамиятли касбий тузилмаларни ва муносабатларни парчалаши билан хавфли хисобланади. Ўз касбий тушунчаларини йўқотиб қўйган педагог мактабда содир бўлаётган воқеалар учун масъулиятни ўз зиммасига олмайди, гуманистик кадриятларга содиқ бўлмайди. Ушбу муаммо ҳозирги пайтда, таълим тизими ислохот қилинаётган, таълимнинг устувор мақсади сифатида укувчи шахсини ривожлантириш деб эълон қилинаётган бир пайтда айниқса, кескин тарзда намоён бўлди. Чунки булар педагогнинг касбий ривожланишисиз амалга ошмайди. Маргинализмнинг узига хос хулқ аломатлари куйидагилар: педагогнинг хамкасблари билан муносабатларида ўзини намоён қила олмаслиги, агрессивлиги, фактларни ўзи англаб етмаган холда бузиб кўрсатиш даражасида ёлғон гапириш, ўз хизматларини бурттириб курсатиш, цинизм ва б. к. Булар унинг педагогик фаолиятни амалга оширишга функционал яроқсиз бўлиб қолишига сабаб бўлади. Касбий маргинализмнинг олдини олиш ва тузатиш педагогнинг касбий ўзлигини англашни тиклашдан, муаммоли педагогик вазиятларни моделлаштириш, ижодийликни ва масъулиятни ривожлантиришдан иборат.