Мирзо улуғбек номидаги

II. Ўқув фанининг мақсади ва вазифалари
Фанни ўқитишдан мақсад – Олий таълим тизимида ижтимоий гуманитар фанларни ўқитишда халқаро тажрибанинг аҳамияти, унинг ўзига хос хусусиятлари, меъёрлари, тамойилларини, ижтимоий тараққиётда халқаро тажрибанинг тутган ўрнини илмий-назарий жиҳатдан тадқиқ этиш ҳамда асослаб беришдан иборат.
Фаннинг вазифаси – ижтимоий гуманитар фанларни ўқитишда халқаро тажрибанинг хусусиятларини таҳлил этиш, уларнинг илм-фан тараққиётида ҳал қилувчи ўрнини та
лабалар онгига сингдириш, глобаллашув жараёнларида жамиятнинг ижтимоий гуманитар фанларга бўлган эҳтиёжини, ижтимоий баркамолликнинг заруриятини илмий асослаш, унинг илмий-фалсафий моҳиятини умумназарий мезонлар асосида қиёсий таҳлил этиш, жамиятни модернизация қилиш жараёнида жаҳон тажрибасининг асосий тамойилларига янгича ёндашувни қарор топтириш билан боғлиқ бўлган долзарб муаммоларини илмий таҳлилдан ўтказиш ҳисобланади.
Фан бўйича талабаларнинг билим, кўникма ва малакаларига қуйидаги талаблар қўйилади. Талаба:
- Талабалар ижтимоий-гуманитар тараққиётнинг тарихий илдизлари, унинг моҳияти, инсон-жамият-давлат тизимида ижтимоий эҳтиёжларни қондиришда халқаро тажрибанинг зарурий фан эканлиги ҳақида тасаввурга эга бўлиши;
- “Олий таълим тизимида ижтимоий гуманитар фанларни ўқитишнинг халқаро тажрибаси” фанининг тамойиллари ва меъёрларининг мазмуни, ижтимоий тараққиётнинг глобаллашув жараёнига бевосита алоқадор эканлиги, тарбия ҳақидаги Ғарб ва Шарқ мутафаккирлари таълимотларининг бугунги кундаги аҳамиятига доир илмий ва назарий масалаларни билиши ва улардан фойдалана олиши;
- таълим тизими ва халқаро тажрибанинг ўзаро боғлиқлигининг миллий хусусиятларини таҳлил қилиш, жамиятни модернизация қилиш жараёнида ижтимоий гуманитар фанлар асосий хусусиятларининг назарий ва амалий аҳамиятини англаш кўникмаларига эга бўлиши керак.

III. Асосий назарий қисм. (Маъруза машғулотлари)
1-мавзу. “Олий таълим тизимида ижтимоий гуманитар фанларни ўқитишнинг халқаро тажрибаси” фанининг объекти, мақсад ва вазифалари
“Олий таълим”, “Ижтимоий гуманитар фанлар”, “халқаро тажриба” тушунчаларининг моҳияти. Фаннинг предмети, мақсад ва вазифалари. Фаннинг таркибий қисмлари.
Олий таълим тизимида ижтимоий гуманитар фанларни ўқитишда халқаро тажрибанинг ўрни, ижтимоий тараққиётдаги аҳамияти. Тажриба йўқ жойда тараққий этган жамиятнинг мавжуд бўлмаслиги. Халқаро тажриба асосларининг гуманитар фанлар негизида олий ўқув юртларида ўрганилиши ҳозирги давр талабига мослиги. Миллий ва жаҳон тажрибаси уйғунлигини ривожлантириш - таълим сиёсатида устувор соҳа. Бугунги кунда халқаро тажриба асосларини илмий-назарий ўрганиш зарурати.

2-мавзу. Олий таълим тизимида ижтимоий гуманитар фанларни ўқитиш масалалари, унда хорижий давлатлар тажрибасининг тутган ўрни

Илғор халқаро тажрибадан фойдаланиш – миллий таълим тизимининг устувор йўналиши сифатида. Олий таълим тизимида ижтимоий гуманитар фанларни ўқитиш масалалари. “Кадрлар тайёрлаш миллий тизими”да ёшларга таълим ва тарбия бериш масаласи. Ижтимоий гуманитар фанларнинг ривожланиш босқичлари хорижий тажриба негизида. Ғарб ва Шарқ таълим тизимида жахон тажрибасидан фойдаланишнинг ўзига хос жиҳатлари.