Mirsaid Aripov, Nurillo Otaxanov

end;

Ma`lumotlarni fayldan o`qish. Bu amal read (readln) buyrug’i yordamida bajariladi va umumiy ko`rinishda quyidagicha yoziladi:

read( Faylli o`zgaruvchi, o`zgaruvchilar ro`yxati);

readln( Faylli o`zgaruvchi, o`zgaruvchilar ro`yxati) ;

bu yerda Faylli o`zgaruvchi - TextFile tipidagi o`zgaruvchi; o`zgaruvchilar ro`yxati - bir-biridan vergul bilan ajratilgan o`zgaruvchilar.

Fayldan sonlarni o`qish. Fayl ochilgan paytda ko`rsatkich undagi birinchi ma`lumotni ko`rsatib turadi. Read buyrug’i bilan bu ma`lumot o`qilganidan so`ng, ko`rsatkich navbatdagi ma`lumotga o`tadi. Faylli o`zgaruvchining tipi bilan undagi ma`lumotlarni qiymat qilib oladigan o`zgaruvchining tipi bir xil bo`lishi shart.

Read (readln) protsedurasi ikki vazifani bajaradi: dastlab ajratuvchi belgigacha ("bo`sh joy belgisi yoki satrning oxiri) bo`lgan belgilar ketma-ketligi o`qiladi va songa aylantiriladi, so`ngra hosil qilingan qiymat Read (Readln) protsedurasining parametri bo`lgan navbatdagi o`zgaruvchiga beriladi. Aytaylik, S:data. txt matnli fayli quyidagi ma`lumotlarni o`z ichiga olgan bo`lsin:

23 15

45 28

56 71

U holda

AssignFile(f, 'S:  data.txt'); Reset(f);

read(f, a); read(f, b, s); read(f, d);

buyruqlarining bajarilishi natijasida o`zgaruvchilar quyidagi qiymatlarni oladi:

a  23, b  15, s  45, d  28.