Mirsaid Aripov, Nurillo Otaxanov

Fayldan satrlarni o`qish namunalari 8.1-jadval

o`zgaruvchini e`lon qilish	fayldan o`qish buyruqlari	o`zgaruvchilar olgan qiymatlar
fam: string[15]; name: string[10]	Readln (f, fam, name)	fam 'Ismoilova Muqad' name 'das'
fam, name: string;	Readln (f, fam, name)	Fam 'Ismoilova Muqaddas' name ' '
dust : string[80]	Readln (f, dust)	dust ' Ismoilova Muqaddas'

Faylning oxiri. Odatda fayldagi barcha ma`lumotlarni ko`rib chiqishga to`g’ri keladi. Bunday hollarda ko`rsatkichning joriy holati muhim hisoblanadi. Chunki, read (readln) buyrug’i ko`rsatkich ko`rsatib turgan ma`lumot uchun bajariladi.

Fayl o`qish uchun ochilganda, ko`rsatkich undagi birinchi ma`lumotlarni ko`rsatib turadi. Bu ma`lumot o`qilgandan so`ng, u keyingi ma`lumotga o`tadi. Ko’rsatkich joriy xolatini qayd qilib turish uchun mantiqiy eof(y) (end of file – faylning oxiri) va eoln(y) (end of line – satrning oxiri) funksiyalari kiritilgan. Eof(y) funksiyasi agar ko`rsatkich fayldagi biror ma`lumotni ko`rsatib turgan bo`lsa "false", o`qish uchun ma`lumot qolmagan bo`lsa, "true" qiymatini oladi. Xuddi shuningdek, eoln(y) funksiyasi satr to`la o`qilgan bo`lsa ''true", aks holda "false" qiymatini oladi.

8.5-listingda ko`rsatilgan fayldan satrlarni o`qiydigan dastur matni keltirilgan. U o`qigan satrlarini Memo maydoniga chiqaradi (8.6 –rasm).



8.6-rasm. Fayldan o`qish dasturining dialog oynasi