Mirsaid Aripov, Nurillo Otaxanov

Satrlarni o`qish. Satrli o`zgaruvchilar e`lon qilinganda, ularning uzunliklarini qo`rsatish yoki ko`rsatilmaslik mumkin. Masalan:

Satr1:string[10]; satr2:string;

Fayldan belgilari soni aniq ko`rsatilgan satrli o`zgaruvchiga uning e`lonida qancha bo`lsa, shuncha belgi (ammo joriy satrdan uzun bo`lmagan) o`qiladi. Uzunligi ochiq ko`rsatilmagan satrli o`zgaruvchining qiymati joriy satrning avvalgi o`qishdan qolgan qismiga teng bo`ladi.

Agar bitta readln bilan bir nechta, masalan ikkita o`zgaruvchiga qiymat berishda, birinchi o`zgaruvchi e`londa qancha belgi ko`rsatilgan bo`lsa, shuncha belgini oladi (uzunligi ko`rsatilmagan bo’lsa, satrni to`laligicha oladi). Ikkinchi o`zgaruvchi esa shu satrning qolgan belgilarini oladi (agar bunday belgilar bo`lmasa, bitta ham belgini olmaydi va uzunligi 0 ga teng bo`ladi). Masalan, matnli dustlar.txt faylida

Ismoilova Muqaddas

Abdullaev Karim

Samatova Gulnoza

satrlari saqlanayotgan bo`lsin. 8.1-jadvalda o`zgaruvchilarni e`lon qilishning bir nechta variantlari, dustlar.txt faylidan o`qish buyruqlari va unga mos ravishda o`zgaruvchilar olgan qiymatlar keltirilgan.