"mineral o’G’itlar texnologiyasi"

SO’Z BOSHI

Vatanimiz mustaqillikka erishgan kundanoq hayotimizda muhim siyosiy, huquqiy, iqtisodiy va maonaviy o’zgarishlar ro’y bermoqda. O’zbekiston Respublikasida chuqur, keng ko’lamli islohatlar amalga oshirilar ekan, uzluksiz ta’lim tizimini rivojlantirishga katta e’tibor berila boshlandi. YUrtboshimiz I. A. Karimov ta’kidlaganlaridek: «Biz qiyin sharoitda kelajagimiz poydevorini qurib oldik. Bunga o’rnimizga kelayotgan yosh avlod qanday baho beradi, loyihalarimizni taroziga solib ko’rib nima deydi? Har birimiz ana shu savolni dilga tugib, mehnat qilishimiz lozim. Mening ishonchim komilki, O’zbekiston xalqi farovon turmush kechiradigan buyuk davlat bo’ladi».

Kelajagi buyuk davlatni qurish tafakkuri, dunyo qarashi o’zgargan xodimlarimiz, mutaxassislarimizga ko’p jihatdan bog’liqdir. YAngicha fikrlaydigan, bozor sharoitida muvaffaqiyatli ish yuritadigan yuksak malakali, chuqur bilimli mutaxassislarni tayyorlash davr talabi bo’lib qoldi. Vatanimiz rivojlangan davlatlar qatoridan mustahkam o’rin egallashi uchun zamonaviy yangi ishlab chiqarish texnologiyalarini rivojlantirish, ayniqsa, bu texnologiyalarni ta’lim tizimiga keng joriy qilish zarur. Bu esa bizning kelajagimiz bo’lgan yosh avlod ongidagi kimyoviy ishlab chiqarish savodxonligini shakllantirishda muhim ahamiyatga ega bo’ladi. SHu sababli ham oliy o’quv yurtlarida «Mineral o’g’itlar texnologiyasi», «Uskunalar va loyihalash asoslari», «Noorganik moddalar kimyoviy texnologiyasi» kabi fanlarni o’rganish muhim ahamiyatga ega.
Ushbu uslubiy qo’llanma doirasida «Mineral o’g’itlar texnologiyasi» fanining nazariy va amaliy asoslari, uning mazmuni va usullari o’rganiladi, ishlab chiqarish texnologiyalarining moddiy va issiqlik tushunchalari, uning texnologiyadagi o’rni, ishlab chiqarish qurilmalarining hisoblash kabi masalalar o’z aksini topadi. Mazkur uslubiy qo’llanma quyidagi maqsadlarga erishishga katta yordam beradi:
- qurilmalarni hisoblash va loyihalash, hamda kataloglar yordamida tipik qurilmalarni tanlash;
- bir turdagi masalalarni echish uchun talabalarni mantiqiy fikr yuritishga o’rgatishdan iborat.
Mazkur uslubiy qo’llanma shu xil uslubiy qo’llanmalar chop etishdagi dastlabki ishlardan biri bo’lgani uchun ba’zi bir ma’lumotlar kamchiliklardan holi deb bo’lmaydi. SHuning uchun mualliflar ushbu ko’rsatma haqidagi barcha fikr va mulohazalarni zo’r samimiyat hamda minnatdorchilik bilan qabul qiladilar.