Минерал боҒловчи материаллар Таянч иборалар

Тез қотувчан шлакли портландцемент ўта майда туюлиши ҳисобига бундай самарага эга бўлиб, 3 сут 50% маркадаги мустаҳкамликка эга бўлади. Бу цемент тури иссиқлик билан қайта ишланадиган темирбетон конструкциялар олишда, шу жумладан катта ўлчамли уйсозлик панеллари ишлаб чиқаришда ишлатилади.
Гипсцементпуццолан боғловчилар (ГЦПВ) - гипс (50-75%), цемент (15-25%) ва актив минерал қўшимчалар (10-25%) биргаликда майдалаб туйиб олинади. Бу боғловчида гипс бошланғич мустаҳкамликни, цемент кейинчалик мустаҳкамликни, актив минерал қўшимчалар эса қотган боғловчига турғунлаштирувчи вазифани ўтайди. ГЦПВ гидравлик боғловчи бўлиб, деворбоп панеллар, санитария-техника кабиналари, бошқа буюм ва қисмларни ишлаб чиқаришда ишлатилади.
Пластифицирланган (гидрофил) цементлар - клинкер туйилаётган пайтда унинг таркибига 0,25% (масса бўйича) лигносулфонатлар ва улар асосида олинган гидрофил органик қўшимчалар киритиб тайёрланади.
Бундай цементлар асосида олинган бетон ва қоришмалар ҳаракатчанлиги жуда юқори бўлади. Бунинг ҳисобига бетон ва қоришманинг сув ва цемент нисбати пасаяди, зич бетон ҳосил бўлади, совуққа чидамлилиги ортади, цемент сарфи, бетон сифатини пасайтирмаган ҳолда, 10-20% гача камаяди.
Гидрофоб цемент - клинкер туюлаётганда 0,1-0,2% милонафт, асидол, ёғли кислоталар, куб қолдиқлари ва бошқалар қўшилади. Бу цемент оддий цементга нисбатан гигроскопиклиги кам бўлиб, ташиш ва сақлашда активлигини йўқотмайди. Гидрофоб қўшимчалар бетон ва қоришмаларни қисман пластифицирлайди, ҳаракатчанлигини оширади, кейинчалик буюм ва конструкцияларга юқори даражада совуққа чидамлиликни, сув ўтказмасликни таъминлайди. Цементда гидрофоб эффект бир неча 10 йиллар давомида сақланиши мумкин.
Назорат саволлари
1. Минерал боғловчилар қандай классификацияланади?
2. Ҳавойи оҳак ишлаб чиқариш технологияси ва хоссаларини айтиб беринг?
3.Гипс боғловчиси хомашёси, ишлаб чиқариш технологияси, асосий хоссалари хақида айтиб беринг.
4.Портландцемент хом ашёси, ишлаб чиқариш технологиясини айтиб беринг.
5. Портландцемент клинкерининг минералогик таркиби ва унга қўшиладиган қўшимчалар нималардан иборат?
6. Портландцемент асосий хоссаларини ва коррозиясини айтиб беринг.
7. Портландцемент турларини гапириб беринг.
8. Пуццоланли ва шлакли цементлар нима?
9. Гилтупроқли цементларнинг хомашёси, асосий хоссалари ҳақида айтиб беринг.
10. Кенгаювчан, зўриқиш ҳосил этувчи ва цементнинг бошқа турлари ҳақида гапириб беринг.