Минерал боҒловчи материаллар Таянч иборалар

Портландцементнинг ишлатилиши. Портландцемент боғловчиси асосида бетон, қурилиш қоришмалари, асбестоцемент буюмлари,армоцемент конструкциялари ва бошқа композицион материаллар ишлаб чиқарилади. Бетон қурилиш тизимида йиғма темирбетон ва монолит ҳолатларда ишлатилади. Нисбатан паст маркадаги цементлар ғишт териш ва сувоқчилик қоришмалари тайёрлашда фойдаланилади. Юқори маркадаги цементлар (400, 500, 550, 600) темирбетон ва арматураси аввалдан тарангланган темирбетон конструкциялар тайёрлашда ишлатилади. Қурилиш портландцементини коррозия муҳитида ишлатиш мақсадга мувофиқ эмас.
Портланцемент шлаб чиқаришда энергия сарфи юқори бўлгани сабабли уни қурилиш соҳаларида рационал ишлатиш керак.
Портландцементнинг маҳсус турлари
Маҳсус турдаги цементлар уларни ишлатиш шароитидан, хоссаларни бошқаришдан, саноат чиқиндиларини ишлатиш, клинкерни тежаш муаммоларидан келиб чиқади.
Тез қотувчан цемент (БТЦ)- таркибида алит (C3S) ва целит (С3А) минералларини йиғиндиси клинкер таркибида 60-65% кам бўлмаслиги, минерал қўшимчалар 15% бўлиши керак. БТЦ 3 сутка давомида маркадаги мустаҳкамликнинг 50% эришади. Тез қотувчан цемент солиштирма юзаси 3500-4000 см2г гача майдаланади ва 400, 500 маркаларда ишлаб чиқарилади.
Ўта тез қотувчан цемент (ОБТЦ) - таркибидаги алит (С3S) 65-68%, целит (С3А) 18%, майдалик даражаси 4000 см2г бўлади. ОБТЦ 1 сут 35%, 3 сут 65% атрофида маркадаги мустаҳкамликка эришади.
Бу турдаги цементлар йирик йиғма темирбетон конструкциялар ишлаб чиқаришга, гидратация пайтида кўп иссиқлик ажратиши эса, қишки мавсумда бетон ишларини бажаришга имкон яратади. Лекин иссиқликнинг кўп ажратиши бу цементларни массив конструкцияларда ишлатишда қийинчилик туғдиради. ОБТЦ таркибида С3А нинг кўп бўлиши сулфоалюминатли коррозия эҳтимоли бор жойларда бетон ишларини олиб боришга имкон бермайди.
Сулфат муҳитига чидамли цемент-таркибида С3S 50% гача, С3А 5% гача ва С3АС4AF эса 22% гача бўлади. Цементнинг бу тури сулфат кислотаси қолдиқлари бўлиши мумкин бўлган ҳолларда, шўрхоқ ерларда ишлатишга мўлжалланган. С3А нинг минимал миқдорда бўлиши ундан совуққа чидамлилиги юқори бетон олишда фойдаланилади. Бу цементни олишда, унга гидравлик қўшимчалар қўшилмайди, фақат гипс, пластификаторлар ва гидрофобловчи моддалар киритилиши мумкин.