4. Xavfsizlik va barqarorlikka tahdidlar hamda mafkuraviy
immunitet.
Hozirgi voqelikda milliy istiqlol g’oyasi va yot mafkuralar orasidagi
munosabatlar mafkuraviy kurash, mafkuraviy qarshi turish, psixologik
urush shakllarida kechmoqda. Yosh mafkuralar mafkuraviy kurashlarning
ming yillik uslublarini, shuningdek, zamonaviylashtirilgan uslublari,
axborot maydonni egallab olish; mafkuraviy qo`poruvchilik harakatlarini
qo`llash orqali xalqimizda O`zbekistonning buyuk kelajagiga ishonchsizlik
uyg’otishga davlat siyosatini obro`sizlantirishga, odamlarning o`zini
Vatan, millat himoyasidan chetga tortishga, loqaydlikka erishishga
intiladilar.
Har qanday jamiyat bunday makkor tahdidlarni engishi uchun o`zida
ogohlik, mafkuraviy xavfsizlik, to`qchillik, jangovorlik, safarbarlik,
umummilliy birlik kabi ijtimoiy sifatlarga ega bo`lishi kerak.
“Xalifa” so`zining mug’aviy ma`nosi – “o`rinbosar” terminologik
ma`nosi “musulmon jamoasi va musulmon davlatining diniy hamda
dunyoviy boshlig’i” deb talqin etiladi. Xalifalik davlati mutloq monarxiya
tipidagi davlat bo`lib, davlatni xalifa boshqaradi. Xalifalik davlatini
boshqaruv tizimi Islom – shariat qonunlari bilan belgilanadi. “Hizbut -
tahrir” da`vo qilgan xalifalik davlati esa “Islom nizomi” nomli kitobida
bayon qilingan qonunlarga asosan boshqariladi.
“Hizb ut-tahrir” – sunniylik doirasidagi diniy-siyosiy partiya bo`lib,
1952 yilda Quddus shahrida tashkil etilgan.
42
Bu partiya falastinlik Toqiyiddin Noboxoniy (1909-1978) tomonidan,
“Al-invom al muslimon” rahbari sayid qutb bilan kelisha olmay
qolganlaridan keyin tashkil etilgan. 1952 yilda Taqiyiddin KAboxoniy
tomonidan er yuzining musulmon davlatlarida mavjud bo`lgan tuzumni
o`zgartirib, “Xalifalik” davlatini tuzishlik va bu maqsadni amalga
oshirishlik uchun “Islom dini niqobi ostida “Hizbut – tahrir partiyasiga
asos solinib, bu partiyaning idoraviy to`plamlari va boshqa qonunlari
ishlab chiqilgan edi. Uning a`zolari yoshlarni diniy fonotizm va
ekstremizm ruhida tarbilashning barcha usullari – da`vat ishontirish,
varaqa va mish-mishlar tarqatish xalqa dars uslublarini qo`llab fuqarolar
o`rtasidagi davlat va shaxs o`rtasidagi munosabatlarni keskinlashtirishga
harakat qildi.
Har bir kishi yoki jamoa, jamiyat mafkuraviy immunitetini bosh
darajaga bo`lib o`rganish, baholash va shu asosda takomillashtirish
mumkin. Bunda:
Birinchi ya`ni mafkuraviy immunitetning quyi darajasi – shaxs, jamoa
jamiyat yuqoridagi `ilimlaridan xabardor emas, buzg’unchi mafkuraviy
g’oyalarga befarq loqayd;
Ikkinchi darajasi – bilimlar bor lekin ular his qilinmagan
sistemalashmagan shu sababli ularni buzg’unchi mafkuraviy g’oyalarga
qarshi ishlatishga tayyor emas;
Uchinchi daraja – mafkuraviy bilimlarga ega lekin ular nazariy, shaxs
jamiyat ularni qo`llashga qiynaladi.
To`rtinchi daraja – asosli bilimlarga ega vaziyatni to`g’ri baholay
oladi: ichki va tashqi siyosiy mafkuraviy ta`sirlarga qarshi immuniteti
shakllangan va uni ongli ravishda ishlatadi.
43
Beshinchi – oliy daraja mukammal g’oyaviy, siyosiy, iqtisodiy
bilimlarga ega va bu bilimlarni bemalol amalda qo`llab, buzg’unchi
mafkuraviy, siyosiy g’oyalarni doimo hamma joyda faol fosh qila oladi.
5. Mafkuraviy himoyaning xorij tajribasi namunalari.
Jahonning
demokratik
mamlakatlari
tajribasida
mafkuraviy
tarbiyaning boy imkonitlari, turli namunalari to`plangan. Yosh avlodni,
butun jamiyatni o`z davlati, mamlakatining mafkurasi ruhida tarbiyalash –
sociologik, pedagogik, psixologik muammo sifatida faol o`rganilib, tezkor
zamonaviylashtirilib kelinmoqda. O`tgan asrning 60-70 yillari G’arbiy
Evropa va AQShda mafkurasizlashuvga, ya`ni ijtimoiy hayotni
mafkuradan xoli etishga urindilar. Lekin bu yo`l bilan o`zini oqlamadi.
Chunki tarbiyadagi mafkuraviy bo`shliq o`z asoratlarini ko`rsata boshladi.
Bunday holat haqida nufuzli nemis nashrlarida: “Hozirgi yoshlarimiz
o`rtasida loqaydlik, ruhsizlik, befarqlik, anlanmagan norozilik, beqarorlik
kayfiyatlari tarzida namoyon bo`layotgan “yoshlar madaniyati” deb
ataluvchi xatti-harakatlar kuchaymoqda. Bu – yoshlarning o`z ajdodlari
ijtimoiy
va
madaniy
qadriyatlaridan
begonalashayotganliklarining
belgilaridir”, - degan tashvishli fikrlar bildirila boshlandi. Natijada,
“mafkuraviy yangilanish”, “qayta mafkuraviylashuv”ga kuchli zarurat
tug’ildi va mafkusizlik xatosini tuzatishga kirishildi. Shu tariqa, G’arbiy
Evropa va AQShning pozitivistik pedagogikasi ijtimoiy qadritlarga
e`tiborni, mafkuraviy tarbiyani o`z ichiga oluvchi “maktabda o`quvchilarni
siyosiy indoktrinaciyalashni amalga oshirish” koncepciyasini ishlab
chiqib, amalga oshira boshladi.
44
Amerika maktablarida mafkuraviy immunitetni shakllantirish – o`z
milliy manfaatlarini himoya qiluvchi vosita sifatida qaraladi. Buni
tushunsa bo`ladi, zero, bugungi yosh avlodning g’oyaviy, mafkuraviy
birligi – ertaga Amerika xalqining g’oyaviy, mafkuraviy birligini
anglatadi-da! Shu sababli AQShning “Millat” (“The Nation”) jurnali
“Agar ijtimoiy fan o`qituvchisi maktab sinfidan o`zining liberal
qarashlarini bildiradigan joy sifatida foydalana boshlar ekan, u tez orada
ishsizga aylanadi”, - deya ogohlantiradi.
Xullas:
1. Diniy aqidaparastlik va boshqa yot mafkuralar, eng avvalo, ayrim
yoshlarning g’oyaviy-siyosiy tajribasizligiga tayanadi. Yot mafkura va
buzg’unchi ta`sirlar bilan kurash mafkuraviy tarbiyada loqaydlik, befarqlik
kayfiyatining har qanday ko`rinishlariga murosasizlikni taqozo qiladi.
2. Qarshi targ’ibot samaradorligining zaruriy tamoyillaridan biri –
uning tezkorligida bo`lib, unda muayyan mintaqaviy sharoitlarni,
kishilarning yosh xususiyatlarini, oliy o`quv yurtining u yoki bu muddatda
hal qila olishi mumkin bo`lgan mafkuraviy imkoniyatlarini hisobga olish
ko`zda tutiladi.
3. Shaxsning mamlakat ichkarisida va tashqarisida sodir bo`layotgan
voqealarni mustaqil tahlil qila olishi,
mafkuraviy immunitetni
mustahkamlaydi.
Chunki mafkuraviy tahdid o`zining mazmuni, tamoyilari, uslublari va
shakllariga ko`ra murakkab hodisadir. Bu haqda mamlakatimiz rahbarining
shu yil 12-13 may kunlari Andijon shahrida ro`y bergan voqealar
munosabati bilan Oq saroy qarorgohida, 17 may kuni O`zbekiston
Respublikasi Bosh prokuraturasida mamlakatimiz va chet el jurnalistlari
45
hamda diplomatik korpus vakillari uchun o`tkazilgan matbuot
anjumanlaridagi bayonotlari va muxbirlarning savollariga javoblarida turli
diniy radikal guruhlarni birlashtirib turgan narsa “biz uchun yot bo`lgan bir
maqsadni – diniy davlat, musulmon xalifaligini o`rnatishni targ’ib
qilmoqda ularni birlashtirib turgan – dunyoviy taraqqiyot yo`liga bo`lgan
nafrat, g’arblik jurnalistlar uchun yana bir bor aytmoqchiman,
konstituciyaviy, dunyoviy taraqqiyot yo`lini qabul qila olmaslik, uni
ko`rolmaslikdir”
1
– deb ta`kidlagan edi. Unga Mustaqil O`zbekistonning
hayotiy yutuqlarini dadil-isbotsiz ataylab qoralash, mustaqillikka erishgan
mamlakatlarning hammasida mavjud bo`lgan umumiy muammolarni
“faqat O`Zbekistonga xos” deb talqin qilish, erishilayotgan ijtimoiy-
iqtisodiy siyosat yutuqlari mohiyatini, hukumatimizning tashqi va ichki
siyosatini buzib ko`rsatish. Ayrim mamlakatlar turmush tarzi, siyosiy
tizimini biryoqlama ko`tarish, milliy g’oyalarimizni obro`sizlantirish; ko`p
millatli O`Zbekistonda aholi o`rtasida ijtimoiy hamkorlikni buzishga
qaratilgan kayfiyatarni uyg’otish va nizolar keltirib chiqarishga urinish;
odamlarning diniy tuyg’ularini junbushga keltirish, diniy yovqarashni
paydo qilish kabi yo`nalishlar xosdir.
TAKRORLASh UChUN SAVOLLAR:
1. Mafkuraviy immunitet nima?
2. Hizb ut-tahrir partiyasiga nechanchi yili qaerda asos solingan?
3. “Xalifa” so`zining lug’aviy ma`nosi?
4. G’oyaviy monikulyaciya jarayonlari qanday kechadi?
5. Filogenitik immunitet?
1
Karimov I.A. O`zbek xalqi hech qachon, hech kimga qaram bo`lmaydi, - T.: “O`zbekiston”, 2005, 53-b.
46
ADABIYoTLAR:
1. O`zbekiston Respublikasi Konstituciyasi. T.: “O`zbekiston”, 2003.
2. Karimov I.A. O`zbekiston milliy istiqlol, iqtisod, siyosat, mafkura. 1-
jild. T.: “O`zbekiston”, 1996.
3. Karimov I.A. Vatan sajdagoh kabi muqaddasdir. 3-jild. T.:
“O`zbekiston”, 1996.
4. Karimov
I.A.
Tinchlik
va
xavfsizlik
o`z
kuch-qudratimiz,
hamjihatligimiz
va
qat`iy
irodamizga
bog’liq. 12-jild. T.:
“O`zbekiston”, 2004.
5. Karimov I.A. O`Zbek xalqi hech qachon hech kimga qaram bo`lmaydi.
T.: “O`zbekiston”, 2005.
6. Milliy istiqlol g’oyasi: asosiy tushuncha va tamoyillar. T.: “Yangi asr
avlodi”, 2001.
7. Milliy istiqlol g’oyasini shakllantirishda tashkiliy – uslubiy
yondashuvlar. T.: “Akademiya”, 2002.
8. Milliy istiqlol g’oyasi: O`zbekiston Respublikasi Oliy ta`lim bakalavriat
bosqichi uchun darslik. T.: “AKademiya”, 2005.
9. Abdurahim erkaev: Milliy g’oya va ma`naviyat. T.: “Ma`naviyat”,
2002.
5-MAVZU: O`ZBEKISTON MUSTAQILLIGINING
MUSTAHKAMLAShDA MILLIY G’OYaNING ZARURLIGI VA
AHAMIYaTI.
REJA:
1. Mustaqillikni
mustahkamlashda
milliy
g’oyadan
ko`zlangan
maqsadlar.
47
2. Milliy g’oya – O`zbekiston xalqining asosiy maqsad va muddolarning
ifodasi.
3. Milliy istiqlol g’oyasining mustaqillikni mustahkamlashda namoyon
bo`lishi.
4. Bunyodkor g’oyalar va mafkuralarning jamiyat hayotidagi ijobiy
ta`siri.
5. Vayronkor, yot g’oya va mafkuralarning jamiyat hayotiga salbiy ta`siri.
1. Mustaqillikni mustahkamlashda milliy g’oyadan ko`zlangan
maqsadlar.
Mustaqillik yillarida erishilgan yutuqlar, mavjud muommolarni
xolisona tahlil qilish, tegishli xulosa hamda saboqlar chiqarish – milliy
g’oyaning zarurligi va ahamiyatining tobora ortib borishini ko`rsatmoqda.
Mamlakatimiz Prezidenti I.A.Karimov Milliy istiqlol g’oyasi va
mafkurasini shakllantirish zarurati haqida mustaqillikning dastlabki
yillaridayoq fikr yuritishi tasodifiy hol emas, edi. Negaki, “Milliy mustaqil
davlat bor ekan, uning mustaqilligi va erkinligiga, an`ana va urf-odatlariga
tahdid soladigan, uni o`z ta`siriga olish, uning ustidan hukmronlik qilish,
uning boyliklaridan o`z manfaati yo`lida foydalanishiga qaratilgan intilish
va harakatlar doimiy xavf sifatida saqlanib qolishi muqarrar”.
1
Demak, milliy g’oyaning zarurligi, eng avvalo, mamlakatimiz
mustaqilligini mustahkamlash uchun zarurdir. Uning zarurati quyidagi
maqsadlarni amalga oshirish bilan bog’liq holda namoyon bo`ladi:
- oldimizga qo`ygan olijanob maqsad-muddaolarimizga, ya`ni ozod va
obod Vatan, erkin va farovon hayot barpo etish;
1
Milliy istiqlol g’oyasi: asosiy tushuncha va tamoyillar. T.: “O`zbekiston”, 2001.
48
- eski mafkuraviy asoratlardan batamom xolos bo`lish;
- g’oyaviy bo`shliq paydo bo`lishiga yo`l qo`ymaslik;
- uzoq davrlar mobaynida odamlar ongida hukmron bo`lgan begona va
yot g’oyalarning yanada qaytadan tiklanishiga yo`l qo`ymaslik;
- xalqimiz tabiatga zid bo`lgan o`zga g’oyalardan, ayniqsa yosh
avlodni himoya qilish;
- har qanday tajovvuzkor g’oyalarga qarshi tura oladigan, har
tomonlama barkamol avlodni voyaga etkazish zaruriyatining mustaqilligini
mustahkamlashdagi o`rnini anglash orqali harakat dasturiga ega bo`lish;
- mustaqil davlatimizning har bir fuqarosida Vatan taqdiri uchun
mas`ullik tuyg’usi bo`lishi uchun ham zarur.
2. Milliy g’oya – O`zbekiston xalqining asosiy maqsad va
muddolarning ifodasi.
Hayotiy kuzatishlar ba`zan ziyolilarimiz o`rtasida ham bizga milliy
g’oya, milliy mafkura nima uchun, kim uchun kerak, uning ma`no-
mohiyati nimadan iborat, degan muhim masalaga yana bir bor oydinlik
kiritish zaruratini yuzaga keltirmoqda. Bunda, ya`ni milliy g’oyada
O`zbekiston xalqining mamlakatimiz ravnaqida belgilab olgan asosiy
maqsad va muddolarining ifodasi mujassamlashgan.
Birinchidan, o`zining kelajagini ko`rmoqchi bo`lgan har qanday
davlat yohud jamiyat, albatta, o`z milliy g’oyasiga suyanishi va tayanishi
zarurligi bilan bog’liq.
Ikkinchidan milliy g’oya O`zbekiston xalqining asosiy maqsad va
muddolarining ifodasi sifatida shuning uchun ham zarurki, odamlar ongini,
tafakkurini o`zgartirmasdan turib, ko`zlangan oliy maqsad – ozod va obod
49
jamiyatini erkin va farovon hayotni barpo etib bo`lmaydi. Buning uchun
esa, odamlar muayyan g’oyaga ishonish va tayanish zarur.
Uchinchidan milliy g’oyaning zarurligi millatning o`zligini to`la
anglash jarayoni bilan bog’liq. Negaki, millat o`zligini to`la anglamas ekan
biron-bir buyuk o`zgarishlar qilib bo`lmaydi. Milliy o`z-o`zini anglash u
yoki bu millatni o`zga milllatlardan ajralib ketishiga emas, balki o`zligini
anglagan millatlarning ma`rifatlashgan hamkorliklarining mustahkamlanib
borishiga xizmat qiladi.
To`rtinchidan mamlakatimiz mustaqilligini mustahkamlashda milliy
g’oyaning zarurligi yana bir muhim holat bilan ya`ni bugun bizning tarixiy
o`zgarishlar davrida totalitar tuzumdan erkin demokratik bozor
munosabatlariga asoslangan demokratik tuzumga o`tish sharoitida
yashayotganligimizdan kelib chiqmoqda.
Bu o`tish davri o`ziga xos, juda katta g’oya va to`siqlarga duch kelishi,
qattiq kurashlar orqali kechishi barchamiz uchun ayon bo`lmog’i darkor.
Xalqimiz va jamiyatimizni mana shu davrida yangi ufqlar sari boshlash,
da`vat qilishda maqsadlarimiz aniq bo`lishi kerak.
3. Milliy istiqlol g’oyasining mustaqillikni mustahkamlashda
namoyon bo`lishi.
Ma`lumki, mustaqillik tufayli boshqa xalqlar qatori biz ham o`z milliy
tabiatimiz va ming yillik an`analarimizga, urf-odatlarimizga zid bo`lgan
soxta kommunistik g’oyadan voz kechdik. Lekin insoniyat tarixi shu
narsani qat`iy ravishda isbotlaganki, mafkura dunyosida bo`shliqqa yo`l
qo`yib bo`lmas ekan. Qaerda shunday holat yuz bergan taqdirda bo`sh
qolgan mafkura maydonini bizga begona, orzu-intilishlarimizga mutlaqo
50
yot g’oyalar egallashga urinishi ham tarixan isbotlanganligi shubhasiz.
Agarda yon-atrofimizdagi voqelikka teranroq nazar tashlaydigan bo`lsak,
tabiiy zaxiralarga boy , geologik nuqtai nazardan g’oyat qulay hududda
joylashgan yurtimizga ko`z olaytiradigan, bizga ta`sirini o`tkazishni
istaydigan turli nosog’lom kuchlar mavjudligini inkor etolmaymiz.
- Bugungi kunda odamzod ma`lum bir davlatlar va siyosiy kuchlarning
manfaatlarigagina xizmat qiladigan olis-yaqin manbalardan tarqaladigan
turli, ma`no-mazmundagi mafkuraviy kuchlarning ta`sirini doimiy
ravishda sezib yashashi. Axborot asri, elektronika asri deb atalayotgan
XXI asrning bugungi kunida bu ta`sirlardan xoli bo`lish deyarli
imkonsizdir.
- Agar harbiy, iqtisodiy, siyosiy tazyiq bo`lsa, buni sezish, ko`rish,
oldini olish mumkin. Ammo g’oyaviy tazyiq, uning ta`siri va oqibatlarini
tezda ilg’ab etish nihoyatda qiyin.
- Milliy g’oya – millat tafakkuri va ongining mahsuli. Lekin ayni
vaqtda, siyosiy ong darajasi har bir millatning rivojini belgilaydigan omil
hamdir. Demak, ongni, tafakkurni o`zgartirmasdan turib hech bir jamiyat
o`zining oliy maqsadiga erisha olmaydi.
- jamiyatimizda bugun mavjud bo`lgan xilma-xil fikrlar va g’oyalar,
erkin qarashlardan, har qanday toifalar va guruhlarning intilishlari va
umidlaridan, har qanday insonning e`tiqodi va dunyoqarashidan qat`iy
nazar,
ularning
barchasini
mushtarak
milliy
bayroq
atrofida
birlashtiradigan xalqimiz va davlatimizning daxlsizligini asraydigan, el-
yurtimizni eng buyuk maqsadlar sari chorlaydigan milliy istiqlol g’oyasi –
mafkura bo`lishi kerak.
51
- Umumbashariy tarixiy taraqqiyot tahlili shuni ko`rsatadiki, hech
qanday jamiyat mafkurasiz yashay olmagan. Dunyodagi har bir
jamiyatning, har bir davlatning o`ziga xos, o`ziga mos keladigan, uning
uchun xizmat qiladigan, tub maqsadlari va manfaatlarini himoya qiladigan
mafkurasi bo`lgan.
- mustaqil O`zbekiston uchun, milliy istiqlol mafkurasining tarixiy,
zarurati shundaki, demokratik jamiyat qurish uchun uning ijtimoiy-
iqtisodiy, siyosiy, huquqiy madaniy-ma`naviy zaminlarini yaratish va
mustahkamlash uchun o`zimizga xos va mos milliy mafkura suv va
xavodek zarur.
4. Bunyodkor g’oyalar va mafkuralarning jamiyat hayotidagi
ijobiy ta`siri.
Bunyodkor g’oya – insonni ulug’laydigan, uning kuch-g’ayrati va
salohiyatini oshirib xalqi, Vatani, butun insoniyat uchun foydali ishlar
qilishiga safarbar etadigan, o`zida taraqqiyot, ma`rifat, do`stlik, tinchlik,
adolat, halollik, poklik kabi ezgu his-tuyg’ularning urug’ini mujassam
etadigan g’oyadir. Jahon tajribasiga nazar tashlasak, butun dunyo
taraqqiyotiga ulkan ta`sir ko`rsatgan nazariy ta`limot va mafkuralarni
yaratish uchun insoniyat tarixining turli davrlarida ulkan aqlzakovat,
iste`dod va teran tafakkur sohiblari mislsiz zahmat chekkanini ko`ramiz.
Suqrot va Platon, Konfuciy va Zardusht, Amir Temur, Alisher Navoiy,
Maxatma Gandi kabi buyuk mutafakkurlarning faoliyati buning yaqqol
tasdig’idir.
Bunyodkorlik g’oyalari yurtni obod, xalq hayotini farovon qilishdek
oliyjanob hayotini farovon qilishdek oliyjanob maqsadlar bilan ajralib
52
turadi. Ular insoniyat civilizaciyaga erishgan davrlardan buyon jamiyat
hayotining eng ezgu g’oyalari sifatida yashab kelmoqda. Prezident Islom
Karimovning “O`zbek tom ma`noda bunyodkordir” degan so`zlarida ham
ana shu boqiy g’oyalarining ma`no-mazmuni o`z ifodasini topgan.
“Avesto”da vatanparvarlik g’oyasi ulug’lanib, odamlarni barkamol
bo`lishiga da`vat etilgan. “Menga barkamol va dinogoh vatansevar va
anjuman, ahil, ezgu andishali, zulmatdan, tanglikdan qutqaruvchi
farzandlar bag’ishla. Toki ular manzil shahar, o`lka va uning nom hamda
ovozasini ko`tarsinlar”
1
deyiladi. Siddxartxa Gautama insonni hayotdagi
azab-uqubatlardan qutqarishning yo`llarini topish haqidagi ta`limotida,
uning echimi insonning o`ziga bog’liqligini asoslashga urinish inson faqat
o`z kuchiga tayangan holda “najotning olijanob quyidagi sakkizlik
yo`lidan” ongli harakati va sobitqadamligi ila o`z maqsadiga erishishi
mumkin, degan g’oyani ilgari suradi. Buning uchun;
1. e`tiqod to`g’ri shakllangan bo`lishi;
2. Maqsad sari qat`iy harakat qilishi;
3. To`g’ri tafakkur va nutq bo`lishi;
4. To`g’ri fe`l-atvor bo`lishi;
5. To`g’ri turmush tarzi bo`lishi;
6. Kuch-g’ayratning to`g’ri maqsadga qaratilgan bo`lishi;
7. Fikr, maqsadning to`g’ri yo`naltirilgan bo`lishi;
8. Diqqat – e`tiborni to`g’ri orzu-qilishga qaratish kerakligi
ta`kidlanadi.
1
“Avesto”. Tarixiy – adabiy yodgorlik. A.Mahkam tarjimasi. T.: “Sharq”, 2001, 90-111-betlar.
53
5. Vayronkor, yot g’oya va mafkuralarning jamiyat hayotiga salbiy
ta`siri.
Vayronkor g’oyalar – jamiyat, xalq va davlatlarning tanazzuliga sabab
bo`ladi, g’ayriinsoniy maqsadlarga xizmat qiladi. Insoniyat tarixida
ezgulik va bunyodkorlik g’oyalari bilan yovuzlik va buzg’unchilik
g’oyalari o`rtasida hamishakurash bo`lganligi tarixdan ma`lum. Yovuzlik
g’oyalari tarixda hamisha salbiy va yovuz kuchlar faoliyati hamda
hukmronligini ifodalaydi. Salbiy yurishlarga turtki bo`lgan g’oyalarga,
irqchilik, fashizm, terrorizm, mustamlakachilikni targ’ib qiluvchi g’oyalar
misol bo`ladi.
Fashizm (Ital Fasismo – bog’lam, birlashma) – G’arb mamlakatlarida,
XX asr boshlaridagi og’ir iqtisodiy, siyosiy va ma`naviy buxronlar davrida
vujudga kelgan. Fashizmning muhim xususiyati – ochiqdan-ochiq
shovinizm va irqchilik bo`lib, uning mohiyati jamiyatning barcha
taraqqiyparvar qatlamlari, ilg’or fikrli a`zolariga qarshi kuch ishlanishning
eng og’ir va zararli shakllarini qo`llash jarayonida yaqqol namoyon
bo`ladi.
Bol`shevizm mafkurasi bo`lgan kommunistik ta`limot xalqlarining
milliy-etnik o`ziga xosliklarini yo`qotish “proletar baynalmilalligi” shiori
bilan maydonga chiqqan.
Rasizm so`zi “rosa” (irq) atamasidan kelib chiqqan. Bu atama XVII
asrdan boshlab Evropada “Insoniyat nasli”ni turli irqiy guruhlar, jumladan,
“oq” va “sariq” qora irqqa ajratish uchun qo`llana boshladi. Bugungi
kunda insoniyatga katta tahdid solayotgan yana bir eng yovuz g’oyalardan
biri – terrorizmdir. Terrorizm (lat terror – qo`rquv dahshat) – ma`lum
54
yovuz maqsad yo`lida kuch ishlatib, odamlarni jismoniy yo`q qilishdan
iborat bo`lgan g’oyaga asoslangan zo`ravonlik usuli.
Buyuk davlatchilik shovinizm - bir davlatning boshqa davlat yoki
davlatlar ustidan siyosiy, mafkuraviy, iqtisodiy va harbiy hukmronligini
o`rnatishga qaratilgan nazariya va amaliyot.
Diniy aqidaparastlik esa – siyosiy maqsadlar yo`lida mavjud ijtimoiy
muammolarni ilk, ya`ni mazkur din paydo bo`lgan paytdagi fikrlar asosida
hal etmoq niyatidagi harakat va qarashlardan iborat.
Diniy ekstremizm – ma`lum siyosiy maqsadlar yo`lida va din niqobi
ostida mutassiblar yoki ularning irodasiga ko`ra ish ko`ruvchi guruhlar
tomonidan olib boriladigan o`sha ashaddiy harakatlar va qarashlar
majmuini anglatadi.
Milliy istiqlol g’oyasiga zid salbiy holatlar befarqlik, maqtanchoqlik,
xushomadgo`ylik, hasadgo`ylik, manmanlik, haqiqatni mensimaslik,
tanish-bilishlik, mahalliychilik, mansabparastlik. Ularni bartaraf etish
uchun jamiyada erkin fikr va fikrlashlar, g’oyalar xilma-xilligi, tanqid va
o`z-o`zini tanqid muhitini yaratish, demokratiya va oshkoralik muhitini
kuchaytirish sog’lom va erkin raqobat muhitini yuzaga keltirib, jamiyatda
ilm-ma`rifatning mavqeini yanada oshirish zarur.
Do'stlaringiz bilan baham: |