Milliy iqtisodiyotni rivojlantirishda investitsiya siyosati

Qisqacha xulosalar
Investitsiyalarning ustuvor yo‘nalishlarini aniq belgilash, ilmiy asoslangan investitsiya qarorlarini qabul qilish, investitsiya faoliyatini oqilona tatibga solish asosida ichki va tashqi moliyaviy manbalarni, barcha shart-sharoitlarni hisobga olgan holda jalb qilish milliy iqtisodiyotning kelajagini belgilaydi.
Moliyaviy mohiyatiga ko‘ra, investitsiyalar daromad olish uchun xo‘jalik faoliyatiga sarf qilingan hamma turdagi aktivlardir. Iqtisodiy mohiyatiga ko‘ra, investitsiyalar kapialni yaratish, kengaytirish, rekonsruksiya qilish uchun ketadigan xarajatlar va shunga bog‘liq ravishda aylanma kapitalning o‘zgarishdir.
O‘zbekistonga chet el sarmoyalari oqimi kengayishi munosabati bilan, investitsiya faoliyatini davlat tomonidan tartibga solishning asosiy vazifasi ommaviy va xususiy manfaatlar, xorijiy mamlakatlar, kompaniyalar, muayyan investorlar manfaatlarining samarali nisbatini belgilash hisoblanadi.
Investitsiyalarni moliyalash manbalaridagi xususiyat davlat byudjeti mablag‘i solishtirma salmog‘ining yuqoriligi, korxonalar mablag‘i va xususiy mablag‘ solishtirma salmog‘ining pastligi hisoblanadi. Ularning solishtirma salmog‘i keyingi yillarda deyarli ikki marta kamaydi va chet el kreditlari solishtirma salmog‘i bir necha marta oshdi, ammo bevosita chet el investitsiyalarining ulushi pasaydi.
Nazorat va muhokama uchun savollar

1. 
   Davlatning investitsiya siyosati mohiyatini tushuntirib bering?
   
2. 
   Investitsiyalar iqtisodiy o‘sishga qanday ta’sir etadi?
   
3. 
   Davlat investitsiya siyosatining zarurligi qanday hollarda namayon bo‘ladi?
   
4. 
   Investitsiyalar samaradorligi qanday aniqlanadi?
   
5. 
   Kapital qo‘yilmalar deganda nima tushuniladi va ularning tarkibi qanday?