Milliy g‘oya tarixi va nazariyasi

7-mavzu: Milliy g’oyaning jamiyat hayoti sohalari bilan bog’liqligi (2 soat)

R e j a:

1. Jamiyat hayoti sohalari tushunchalari, ma‘no-mazmuni. Milliy

g’oyaning jamiyat hayoti sohalarida aks etishi.

2. Milliy g’oya bosh maqsadini amalga oshirishda jamiyat hayoti sohalarini

rivojlantirishning о’rni.

3. Mustaqillik tufayli jamiyat hayoti sohasida erishilgan yutuqlar. Ularning

milliy g’oya maqsadlari bilan uyg’unligi



MAVZUGA OID TAYANCH TUSHUNCHA VA IBORALAR:

milliy taraqqiyot strategiyasi, strategik imkoniyat, strategik vazifalar,

taktika, istiqbol strategiyasi, jahon hamjamiyati, integratsiya, globallashuv.




1-masalaning bayoni: Milliy g’oya jamiyat hayotining barcha sohalarida, jumladan, ijtimoiy, iqtisodiy, siyosiy, ma‘naviy sohalarda aks etadi. Har qanday g’oyaning asosida, uning mazmuni va maqsadini tashkil qilgan bilimlar yotadi. Shunga kо’ra, milliy g’oyada biz barpo etayotgan davlat va jamiyatning shakllanib, rivojlanish qonuniyatlari, undagi barcha ijtimoiy munosabatlar xarakteri, bugungi va istiqboldagi taraqqiyotimiz mohiyati tо’g’risidagi bilimlar mujassamlashgan. Binobarin, g’oyaviy-mafkuraviy muammolarga oid ilmiy tadqiqot, ta‘lim-tarbiya, targ’ibot-tashviqot ishlarida ayni shu masalalar keng yoritilishi, odamlarda xalqimiz, mamlakatimiz oldida turgan eng muhim maqsad va vazifalar tо’g’risida aniq-ravshan bilim-tasavvurlar hosil qilinishi zarur. «Chunki jamiyatimiz, mamlakatimiz о’z oldiga qo’ygan ezgu muddao va vazifalarni aniq-ravshan belgilab olmasdan turib, millatimizning asriy an’ana va urf-odatlarini, о’zligimizning asosiy xususiyatlarini mujassam etadigan milliy mafkurani shakllantirish mumkin emas. Buning uchun, avvalo, biz qanday davlat, qanday jamiyat, qanday tuzum barpo etmoqdamiz, uning siyosiy, iqtisodiy, ijtimoiy, ma‘naviy asoslari nimalardan iborat, degan savolga javob topishimiz kerak»,deydi I.A.Karimov. Binobarin, milliy g’oya va mafkurani tushuntirishda ularning davlatimiz va jamiyatimiz qurilishiga doir nazariy-metodologik mazmunini yoritish muhim ahamiyatga ega. Ma‘lumki, fikr asosida – g’oya, g’oya asosida esa mafkura shakllanadi. Ya‘ni, inson(lar) fikran biror zarur ishni mо’ljallab, uni amalga oshirishga qat‘iy ahd qilsa, bu g’oya bо’ladi. G’oya konkret inson, guruh, millat yoki jamiyatning hayotiy manfaat va maqsadlarini ifodalab, ularning ishonch-e‘tiqodlari va faoliyatiga asos bо’lsa, mafkuraga aylanadi.