Milliy g‘oya tarixi va nazariyasi

MILLIY-DINIY QIYOFANI FARQLAY OLISH – shaxs, ijtimoiy guruh, jamiyat tomonidan diniy qiyofa shakllanishida milliy-etnik hamda diniy xususiyatlarning uzviy aloqadorligini teran anglash bilan bog‘liq fazilat.

Diniy va milliy qadriyatlar o‘zaro aloqadorlikda rivojlanib boradi. Har bir etnik makon diniy e’tiqod rivojiga o‘ziga xos xususiyatlarni olib kiradi, milliy va diniy qadriyatlarning o‘zaro moslashuvi sodir bo‘ladi. Shu nuqtai nazardan qaraganda ushbu fazilat: a) milliy-etnik zaminda dinning o‘ziga xos tarzda namoyon bo‘lishi haqida chuqur bilimlarga ega bo‘lish; b) kishilarning tashqi qiyofasi (kiyim-bosh)da, xatti-harakatlari (salomlashish, o‘zaro munosabat)da, maishiy hayoti (kundalik turmush tarzi)da namoyon bo‘ladigan diniy e’tiqod bilan bog‘liq holatlarda milliy o‘ziga xosliklarni va g‘ayrimilliy jihatlarni ajrata olish; v) diniy urf-odatlar va marosimlardagi g‘ayrimilliy jihatlarning oldini olish uchun kurashish; g) yurtimizda qaror topgan milliy va islomiy qadriyatlarning sog‘lom uyg‘unligini saqlab qolish, mustahkamlash yo‘lida qat’iy va faol harkatlar olib borishdek elementlarni qamrab oladi.