Milliy g‘oya tarixi va nazariyasi

TERAN DUNYOQARASH – ekstremizm, fanatizm, radikalizm, mutaassiblik kabi illatlarning teskarisi bo‘lib, kishining og‘ir-vazmin, sabrli, bag‘rikenglik xislatlariga ega ekanini bildiruvchi fazilat. Teran dunyoqarash bir necha asosiy tarkibiy qismlardan iborat:

a) huquqiy bag‘rikenglik – o‘zidan boshqa kishilarning yashash, mehnat qilish, ilm olish kabi insoniy haq-huquqlarini tan olishi;

b) milliy bag‘rikenglik – boshqa millatlarning umuminsoniy qadriyatlariga zid kelmaydigan milliy urf-odatlari, an’analariga qarshilik ko‘rsatmaslik, ularga mo‘tadil munosabatda bo‘lish;

v) irqiy bag‘rikenglik – boshqa xalqlarning irqi, rangi, kelib chiqishidan qat’iy nazar ular bilan tenglik, insoniylik mavqeidan turib munosabatda bo‘lish;

g) diniy bag‘rikenglik – tolerant dunyoqarashning bir qismi bo‘lib, boshqa din vakillari e’tiqodlaridagi mavjud aqidaviy farqlardan qat’iy nazar, umuminsoniy qadriyatlarga zid kelmaydigan ibodat, marosim, an’analarni amalga oshirishlariga qarshilik ko‘rsatmaslik; ularga mo‘tadil munosabatda bo‘lish; ular bilan birga tinch-totuv hayot kechirish; xayrli mushtarak maqsadlar yo‘lida hamkorlik qilish.