Milliy g‘oya tarixi va nazariyasi

TARIXIY XOTIRAGA SODIQLIK – millatning, xalqning o‘z o‘tmishini bilish, bu o‘tmishni tahlil qilish, o‘tgan voqealar va hodisalarning asl mazmun-mohiyati va tarixdagi o‘rnini asoslab berishni anglash.

O‘z o‘tmishini bilmagan millat milliy g‘urur hissini yaxshi bilmaydi, boshqa millatlar va ayniqsa, hozirgi zamonning yirik xalqlari tili, adabiyoti, madaniyatiga qaram bo‘lib, shu tariqa milliy o‘zligini yo‘qotadi.

Ajdodlar yaratgan moddiy va ma’naviy boyliklarning kishilar ongi va kundalik amaliy faoliyatida qayta namoyon bo‘lishi va qadrlanishi yoshlarda tarixiy xotiraga nisbatan sodiqlik tuyg‘ularini shakllantiradi. Zero, inson o‘zining tarixiy xotirasiga ega bo‘lmasdan turib, hayotida sodir bo‘layotgan ijtimoiy o‘zgarishlarning mohiyatini tushunib yetolmaydi. Shuning uchun ham, hamma zamonlarda xalqning, millatning tarixiy xotirasini mustahkamlash va unga sodiqlik fazilatlarini shakllantirish yurtning buyuk allomalari, davlat arboblari diqqat-e’tiborida bo‘lgan.

a) tarixiy xotirasiz kelajak yo‘q; b) tarixiy xotira har bir millat, har bir xalq yaratgan ma’naviy boylik; v) mutafakkirlar ilmiy, madaniy va ma’naviy merosini bilish; g) tarixiy-diniy obidalarni ziyorat qilish madaniyatiga ega bo‘lish.