Mikrobiologiya va immunologiya

Mashg'ulotning maqsadi: Patmaterial olish va laboratoriyaga yuborish qoidalarini; bakteriologik tekshirish usullarini o'rganish.
Material va jihozlar: Probirkalarda Cl septicum, Cl. oedematiens kulturalari, tayyor surtmalar, patmaterial, steril Kitt-Tarossi, Seyssler oziq muhitlari, steril Paster pipetkalari, bo'yoqlar, jadvallar, biopreparatlar, plakatlar.
Uslubiy ko'rsatmalar
O'qituvchi darsni tushuntirib, talabalarga vazifa beradi: patmateriallardan oziq muhitlarga ekib, surtmalar tayyorlash, Gram usulida bo'yab, mikroskopda ko'rinishini daftarga chizib, yozib olish.
Bradzot - qo'ylarda tez va o'tkir o'tadigan toksikoinfeksiya bo'lib,
hayvonning umumiy zaharlanishi, shirdon, 12 barmoq ichak shilimshiq
pardalarining gemorragik yallig'lanishi, hazm traktida gazlarning to'planishi,
deyarli hamma kasallangan qo'ylarning o'lishi va o'likning juda tez chirishi
kabi xususiyatlarga ega.
Qo'zg'atuvchilari anaerob mikroorganizmlar - Cl. septicum, Cl. oedematiens.
Patologik material. Laboratoriyaga tekshirish uchun parenximatoz organlar (jigarning nekroz o'choqlari bo'lgan qismi), shirdonning o'zgargan devoridan. shishgan to'qima, ilik suyagi, ikkala tomonidan boylangan 12 barmoq ichak qismchasi, ko'krak va qorin bo'shliqlari ekssudatlari, teri osti kletchatkasi infiltrati yuboriladi. Material yangi o'lgan hayvondangina olinadi.
l.Mikroskopiya. Patmaterialardan surtmalar tayyorlanib Gram usulida bo'yaladi. Cl septicum- ingichka. uchlari qayrilgan. polimorf, uzunligi 2-10, eni 0.8-1 mkm li tayoqcha. bittadan joylashgan grammusbat tayoqchalar. Seroz qavatlardan tayyorlangan surtmalaida esa - uzun iplar shaklida ko'rinadi. Sporalari oval markazda yoki uchlarida joylashgan. Harakatchan, kapsula hosil qilmaydi.
Cl. oedematiens yirik, polimorf, uchlari qayrilgan, bittadan ba'zan kalta
zanjircha shaklida joylashadi. Uzunligi 5-10 mkm, eni 0,8-1,5 mkm. Grammusbat, kapsula hosil qilmaydi. Sporalari oval markazda yoki uchlarida joy lashadi. Harakatchan.