Mikrobiologiya va immunologiya

Antigen tuzilishi. Antitelolarning adsorbsiyalari bilan tajribalar ko'rsatadi-ki, nekrobakterioz qo'zg'atuvchisida antigenlik munosabatlari bo'yicha o'xshash bo'lgan shtammlari bor. Shu bilan bir qatorda antigen tarkibi bo'yicha farqlanadigan alohida serologik tiplari borligi aniqlangan. Shuningdek nekrobakterioz qo'zg'atuvchisida va fuzobakteriyalarda ular uchun umumiy antigenlari topilgan.
Immunitet. Kasallanib sog'aygan hayvonlarda immunitet paydo bo'lmaydi, ular nekrobakterioz bilan qayta kasallanishi mumkin. Su'niy immunitet paydo qilish murakkab.
Quyonlarni qo'zg'atuvchining o'ldirilgan yoki tirik shtammlari bilan vena tomiriga yuborib immunlaganda ularning zardobida presipitinlar, agglyutininlar va komplement bog'lovchi antitelolar topiigan. Xuddi shu antitelolar kasal hayvon va odamlarning qon zardoblarida aniqlangan. Ammo ularning himoya qilish funksiyasi uncha katta emas.
Diagnoz. Bakteriologik laboratoriyaga zararlangan organlardan, sog'lom va zararlangan to'qimaning tutashib turgan joyidan bo'lakchalar, mayda hayvonlar va parrandalarning jasadi yo'llanadi. Nekroz o'choqlaridan moddani paster pipetkasiga olib, kavsharlab laboratoriyaga jo'natish mumkin.
Hayotiy diagnoz uchun avval chirigan to'qima va yiringdan mexanik tozalab keyin o'lgan va sog'lom to'qima chegarasidan qirindi olinadi. Bir vaqtda shu joylardan predmet oynachalarida bir nechta tamg'ali surtmalar olinadi. Og'iz bo'shlig'i zararlanganda nekrotik qatlamdan tashqari kasal hayvonning so'lagi ham olinadi. Material yangi olingan holatda yoki steril 30% li glesirin eritmasida laboratoriyaga yuboriladi.
Nekrozli to'qimadan tayyorlangan surtmalar spirt-efir bilan 10 daqiqa fiksatsiyalanadi, Leffller ko'ki (yaxshisi 3-4 daqiqa qizdirib), Muromsev, Romanovskiy-Gimza, Gram usullarida bo'yaladi. Surtmalarda donachali bo'yalgan yoki ingichka uzun grammanfiy tayoqchalar topiladi. Mikroskopik tekshirishlar faqat taxminiy diagnoz qo'yishga asos bo'ladi.


12-mavzu. BRADZOTNI LABORATORIYA DIAGNOSTIKASI.