Microsoft Word traktor va avtomobillar konstruktsiyasi doc

Quvvat olish qutisi uzatmalar qutisi yoki taqsimlash qutisidan maxsus mexanizmlarga (lebyodka, ko’targichlar va h.k.) burovchi moment uzatish uchun xizmat qiladi. O’zi ag’daruvchi avtomobillarda quvvat olish qutisi moy nasosini xarakatga keltiradi. U mexanik yoki pnevmatik yuritmali tishli bir pog’onali reduktordir. Quvvat olish qutisi (QOQ), odatda uzatmalar qutisi yoki taqsimlash qutisiga o’rnatiladi.
KamAZ o’zi ag’daruvchi avtomobilining quvvati olish qutisi (67-rasm) pnevmatik yuritmali bir pog’onali reduktor. U uzatamalar qutisiga o’rnatilgan va unga moy nasosi biriktirilgan.


67-rasm. KamAZo’zi ag’daruvchi avtomobili quvvat olish qutisi
1,13- o’qlar; 2-karter; 3-diafragma; 4-prujina;5-vint; 6,8,14-podshipniklar;
7,15-shesternyalar; 9-yarim mufta; 10-prizma; 11-mufta; 12-val.
Karterdagi 2 qo’zg’almas o’qqa 1 rolikli podshipnikda 14 oraliq shesternya 15 o’rnatilgan. Bu shesternya uzatmalar qutisining oraliq validagi shesternya va yetakchi shesternyaning 7 katta tishli gardishi bilan doimiy ilashgan. Yetakchi shesternya 7 kichik tishli gardishga ham ega. Shesternya 7 rolikli podshipnikda 6 o’qning 13 uchki qismiga o’rnatilgan. O’qning ikkinchi uchi prujina 4 yordamida siqib turiluvchi diafragma 3 bilan ulangan. O’q 13 erkin bo’ ylama harakatlanadi, aylanib ketishligidan esa, vint 5 ushlab turadi. Qutini ishga tushirish va to’xtatish pnevmokamera yordamida siqilgan havo bilan amalga oshiriladi. Siqilgan havo kameraga o’tib diafragmani 3 pastga siljitadi va yetakchi shesternya bilan o’qni suradi. Bunda shesternya 7 kichik tishli gardishi sharikli podshipnikda 8 karterda o’rnatilgan tishli yarimmufta 9 bilan ilashadi. Shesternyani 7 katta tishli gardishi oraliq shesternya 15 bilan ilashgan bo’yicha qoladi. Tishli yarimmufta prizma 10 va mufta 11 orqali shlitsli uchi mufta bilan ulangan moy nasosining Yetakchi valini 12 aylantiradi.
Siqilgan havoni pnevmokameradan chiqarilganda diafragma dastlabki holatiga qaytadi, shesternya 7 yarimmuftadan ajralib valni 12 aylanishini to’xtatadi. Quvvat olish qutisini faqat ilashish muftasini ajratib ishga tushirish mumkin.
MOY NASOSI platformani kerakli rejimda ko’tarilishini ta’minlash uchun gidrotsilindrga bosim ostida moy haydash uchun хizmat qiladi. O’zi ag’daruvchilarda yuqori bosimli, shesternya turidagi moy nasoslari qo’ llaniladi. Bular yuqori ishonchliligi, kichik o’lchamligi va massasi bilan ajralib turadi. Ularning quvvati 40 ^170 l/min, ish bosimi esa 3 ^14 MPa tashkil qiladi. Aksariyat, moy nasosi quvvat olish qutisi bilan bir blokda joylashtirilgan.