Microsoft Word traktor va avtomobillar konstruktsiyasi doc

Tayanch-tirkash qurilmasi bir-biriga bog’lash konstruktsiyasiga ko’ra, shkvorenli va rolikli turlarga bo’linadi. Shkvorenli tayanch-tirkash qurilmasi bitta yoki ikkita qamragichli bo’lishi mumkin. Ikkita qamragichli, yarim avtomatik qurilmalar keng tarqalgan.


66-rasm. Tayanch-tirkash qurilmasi.
1-saqlagich planka o’qi; 2-saqlagich planka; 3-kronshteyn; 4-egar; 5,9,10- maslyonkalar; 6-sharnir o’qi; 7,16-prujinalar; 8-qamragich o’qi; 11,13- qamragichlar; 12-shpant; 14-richag; 15-qulflovchi kulak; 17-lo’kidon.
Tortuvchi avtombil ramasiga boltlar bilan qotirilgan ustki ramada ikkita kronshteyn 3 mahkamlangan. Ularnng zo’g’otasiga (proushina) rezinametallik vtulkalar bilan egarni 4 ikkita o’qi kirgan. Bunday biriktirish egarni bo’ylama tekislikda erkin burilishini, ya’ni avtopoyezdni vertikal tekislikdagi egiluvchanligini ta’minlaydi. Rezinametallik vtulkalar yarim tirkamadan tortuvchi avtomobil ramasiga bo’ lgan dinamik yuklamani kamaytiradi va egarni 3⁰ gacha ko’ndalang og’ishiga yo’l qo’yadi. Ajratish-tirkash meхanizmi egar ostiga joylashtirilib, o’qlarga 8 o’rnatilgan ikkita qamragich 11,13 prujina va shtok bilan qulflovchi kulak 15, lo’kidon 17, richag 14, o’qqa 1 o’rnatilgan saqlagich plankadan 2 iborat. qulflovchi kulakni orqaga surilgan holatida, uning yonbosh qirralari, yopiq turgan qamragichlar tomonidan siqilgan holatda qayd qilinadi. Shtok prujinasi 16 kulakni oldinga siljishiga qarshilik ko’rsatadi, undan tashqari qulflovchi kulak shtogi yopiq holatda qotirilgan saqlagich plankaga 2 tiralgan. Shu tarzda yarim tirkamani tortuvchi avtomobildan ajralmasligi kafolatlanadi.
Avtopoyezdni gorizontal tekislikdan egiluvchanligi shkvorenni qamragichlarda aylanish imkoniyati bilan ta’minlanadi. Avtopoyezdni ajratish uchun saqlagich planka bo’shatilib, yuqoriga ko’tariladi. Kulak 15 richag 14 yordamida oldinga suriladi va lo’kidon 17 bilan qayd qilinadi. qamragichlar ochiladi va kulakni bo’shatadi so’ngra prujina ta’sirida orqaga surilib qamragichlar gardaniga taqaladi.
16-MAVZU: TRAKTOR VA AVTOMOBILLARNING YORDAMCHI
VA ISH JIHOZLARI.
Reja:

1. 
   Yordamchi va ish jihozlari, quvvat olish qutisining turlari, vazifasi, konstruktsiyasi.
   
2. 
   Gidravlik yuritmalar.
   
3. 
   Gidromotorlar.
   
4. 
   Lebyodka (chig’ir).