Microsoft Word traktor va avtomobillar konstruktsiyasi doc

Gidrotsilindrlar - ko’tarish mexanizmining asosiy ijrochi kuch qurilmasidir. Odatda, ularni ko’pzvenoli teleskopik qilib tayyorlaydilar.
Teleskopik gidrotsilindrlar o’ta ixchamligi, massasini kichikligi, kuch samaradorligi va katta ish yo’li bilan ajralib turadi. Bundan tashqari, alohida o’rnatilishi va ko’tarish mexanizmining boshqa elementlaridan katta masofada ishlashi mumkin. Bularning hammasi uni o’zi ag’daruvchi shassisida qulay joylashtirish, platformani eng katta burchakka ko’tarish va tirkama, yarimtirkamalarda qo’llash imkonini beradi.
Teleskopik gidrotsilindrlar bir-biriga kiruvchi bir nechta zvenolardan (quvurlardan) iborat. Zvenolar soni uchtadan, oltitagacha bo’lishi mumkin. Tashqi zveno, odatda, siljimaydigan qolgan zvenolari esa, siljiydigan qilib tayyorlanadi. Siljiydigan zvenolari, ularning ichki bo’shlig’iga bosim ostida moy uzatilganda, eng kata diametrligidan boshlab birin-ketin suriladi.
64-rasmda KamAZ o’zi ag’daruvchi avtomobili ko’tarish mexanizmining gidrotslindri ko’rsatilgan.


64-rasm. KamAZo’zi ag’daruvchi avtomobili ko’tarish mexanizmining
gidrotsilindri.
1-tayanch; 2-vklado’sh; 3-gayka; 4-tub qismi; 5.8-yarim halqalar; 6-xomut
(qisqich); 7.12-halqalar; 9-qisqa quvur; 10-korpus; 11-zvenolar; 13- kallak; 14-
vtulka; 15- manjetalar; 16- tozalagichlar.
Gidrotsilndr - teleskopik, uch zvenoli. Uchchala suriluvchi zvenolarning umumiy ish yo’li 3, 4 metrni tashkil qiladi.
Silindr korpusida 10 tashqi yuzasi хrom bilan qoplangan va sayqallangan suriluvchi zvenolar 11 joylashtirilgan. Zvenolar yo’naltiruvchi jez (mis va ruh qotishmasi) yarim halqalar 8 va vtulkalarda 14 suriladi. Zvenolarni yuqoriga va pastga yurishi (siljishi) stoper (to’xtatgich) halqalar 7, 12 bilan cheklanadi, zichlash esa rezinali manjetalar 15 bilan ta’minlanadi. Tozalagichlar 16 gidrotsilindr ichki bo’shlig’ iga tashqaridan chang va kir kirishidan saqlaydi. Silindrni pastki qismiga yarim halqa 5 va xomut 6 yordamida tub qism 4 qotirilgan. Silindr ikkita sharsimon kallakga 13 ega va ular tayanchda 1 gayka 3 yordamida mahkamlangan. Metallkeramik vklado’shlar 2 sharnirli birikmani moylamasdan ishlashini ta’ minlaydi. qisqa quvur 9 gidrotsilndrni ichki bo’shlig’ini platformani ko’tarish mexanizmini haydash magistrali bilan tutashtiradi.