Microsoft Word togaymurod otamdan qolgan dalalar lotin ziyouz com doc

www.ziyouz.com
kutubxonasi 
151
yuz ming so‘m pul berdim. Berganda-da 
— 
o‘rtoq Kapitonovni firqaviy ishxonasida berdim!
Men KPSS Markaziy Qo‘mitasi huzuridagi firqa nazorati qo‘mitasi raisi SOLOMYeNSYeVga 
yuz ming so‘m pul berdim. Solomentsevga ham o‘z firqaviy ishxonasida berdim!
Men SSSR Bosh Prokurori RYeKUNKOVga Yurmala shahrida ellik ming so‘m pul berdim. Bosh 
Prokuror qo‘limdan pulni oldi-oldi-da, minnatdorchilik bildirdi. «Qo‘llab-quvvatlayman», deb 
va’dalar berdi.
Toshkentda RYeKUNKOVga
tag‘in ellik ming so‘m pul berdim. SSSR Bosh Prokurori tag‘in 
minnatdorchilik bildira-bildira 
— 
qo‘limdan pulni oldi.
Men SSSR Oliy sudi raisi TYeRYeBILOVga qirq ming so‘m pul berdim. Ikki ming sakkiz yuz 
so‘mlik gilam berdim. Gilamni O‘zbekiston Markaziy Qo‘mitasi ishlar boshqarmasi xodimlari 
tayyoraga arang-arang yukladilar.
Men KPSS Markaziy Qo‘mitasi kotibi o‘rtoq LIGAChYeVga oltmish ming so‘m pul berdim!..»
Ivan Ivanovich jildtaxlamni yopdi. Iplarini boyladi. 
— Ana, eshitdingmi? — dedi, —Poshshoi a’zaming-a, poshshoi a’zaming! 
21 
Men... iloyim, qulog‘im karligi chin bo‘lsin, dedim. 
Men... iloyim, bari aybni karligimdan ko‘rayin, dedim. 
Men... iloyim, umrbod kar bo‘lsam bo‘layin — ammo-lekin... ana shu gaplarni eshitmagan 
bo‘layin, dedim. 
Shu bois — deraza boqib o‘tira berdim. 
— Ha, namuncha bezrayib qolding? 
Shunda-da Ivan Ivanovich qayrilib boqmadim. 
— Ana siz, ana Maskov... — deya ming‘illadim. 
— U nima deganing? 
— Ana, poshshomiz oppa-oydin aytib berayaptilar-ku? Maskovga o‘z-o‘zidan choychaqa uzatib... 
O‘zbekistonni kallasi shamolda qoptimi? Maskov qo‘l cho‘zadiki — O‘zbekiston sadaqa beradi! 
— Maskovga til tekkizma, baran, Maskovga til tekkizma! 
— Maskov bo‘lmasa — maskovchi kattalar! Ana, poshshomiz maskovchi kattalarni oppa-oydin 
aytayaptilar! Yana-tag‘in... nomma-nom aytayaptilar, nomma-nom! Ana, maskovchi kattalarni bandi 
etib gapirisha bering-da! 
— Yo‘q, baran, yo‘q! Mening maskovchi kattalar bilan ishim yo‘q! Maskovchi kattalar — 
o‘zimiznikilar! O‘zimiznikilar — Ulug‘ O‘ris! Ulug‘ O‘ris bilan ishim yo‘q! Ulug‘ O‘ris nima qiliq 
qiladi — bari yarashadi! Men — sen baranlar bilan ishim bor! 
— Y
O
,
pirim-e, yo, pirim-e, bizda mima ayb? 
— Maskovga pora bergansan! 
— Holvani hokim yeydi — kaltakni yetim yeydi, deydilar... 
Ivan Ivanovich boshimlab keldi. Ivan Ivanovich halqumimdan g‘ippa bo‘g‘ib ko‘tardi. 
— Kinolarda Afrika ola-bula eshagini ko‘rganmisan? — dedi. — Manavi yuzlaringday ola-pes 
eshak? Sen ana shu Afrika ola eshagiga kelbat berasan! Manavi ola-chipor yuzlaring ham aytib turibdi. 
Afrika ola eshagi Afrikada nima o‘jarlik etsa etadi. Boisi, Afrika — o‘z oti o‘zi bilan Afrika. Bu yer 
esa — Maskov! Sening Afrika ola eshagiday o‘jarliging Maskovda ketmaydi! 
Ivan Ivanovich meni silkilab-silkilab tashladi. 
Men gup etib tushdim. 
Ivan Ivanovich oldimga qog‘oz-qalam qo‘ydi. 
— Ma, yoz! Raisimizga o‘n ming so‘m berganman, deb yoz! — dedi. — Tag‘in Afrika ola 
eshagiday qaysarlik eta bersang — manavi miyangga to‘qqiz misqol qo‘rg‘oshin quyib qo‘yaman! 

---

Tog‘ay Murod. Otamdan qolgan dalalar (roman)