Microsoft Word togaymurod otamdan qolgan dalalar lotin ziyouz com doc

www.ziyouz.com
kutubxonasi 
18
— Qizillar Hayitkalni jaridan o‘tadimi? 
— Esa-chi. Denovdan Xo‘jasoatga kelgich yo‘l Hayitkalni jaridan o‘tadi-da. Boshqa io‘l yo‘q. Shu 
jarda Qizilman, degichini qoniga belayapmiz. 
— Ko‘ziga qarasin-da, qizillarda miltiq bor, deyishadi. 
— Miltiq bizda-da bor. Bir kechasi beshta Qizilni o‘ldirib, pulemyotini-da olib oldik. 
— Ishqilib, ko‘ziga qarasin, deyman-da. 
— Dehqonqul! Ko‘zimga qarasam-qaramasam, Qizil zotini enasini jabduqlayman! 
— Ko‘p katta ketmasin. 
— Dehqonqul! Katta ketsam-ketmasam, qishlog‘imizga o‘ris zotini yonashtirmayman! 
Pichir-pichir eshita berib ko‘zim ketadi. 
 
10 
Tonglay ayvon qarayman. 
Ayvonda ko‘rpa-to‘shak bo‘ladi — otamiz yo‘q bo‘ladi. 
Men yer tepib-er tepib ingillayman. Men yer yumalab-er yumalab ingillayman. 
Onamiz yengimdan olib turg‘izadi. 
— Jelakni kir qilding, qirg‘inni oldida qirilib ketgur! — deydi. — Yo‘q otani qaerdan topaman? 
Sendan ota qarzim bormi? 
Men oshxona chopaman. Suv to‘la ko‘zalarga tupurib-tupurib qochaman. 
Ketimdan otilmish kosov darvoza taraqlab tegadi. 
 
11 
 
Otamiz qachon keladi, deb kun sanayman. 
Kun sanay berib, barmoqlarim taqchil bo‘lib qoladi. 
Kun sanay berib, kaftlarim barmoqlarim bilan to‘lib qoladi. 
12
— Bo‘ldi, endi qaytib kelsin. Anavi Dehqonquli bezorijonimni chiqardi, — deya pichirlaydi 
onamiz. 
— Bola bola-da, — deydi otamiz. 
— Ayollar, erkagingiz bosmachi bo‘p ketibdi, shu chinmi, deydi. 
— Dehqonqul! Bosmachi demanglar. Necha marta aytaman, bosmachi demanglar deb. 
— Bari ayol shunday deydi. 
— Desa deya beradi-da. Bosmachi bo‘lib, qaysi yurtni bosib olibmiz? Bosmachi bo‘lib, qaysi elni 
talon-toroj etibmiz? Dehqonqul! Bosmachi degich gapni ular o‘ylab topdilar. 
— Kimlar? 
— Kimlar bo‘lardi — qizillar-da. Kimlar bo‘lardi — padar la’nat cho‘chqalar-da. Cho‘chqalar 
o‘zlari yurtimizga bostirib keldi. Yana tag‘in, bizni bosmachi deb atadi. Padar la’nat cho‘chqalar 
o‘zlarini yorliqlarini bizning peshonamizga yopishtirdi. 
— Unda, bu kishi kim bo‘ldi? 
— Mujohid! Bildingmi? Mujohid! 
— U nima degani bo‘ldi? 
— Mujohid el-yurt uchun jihod etuvchi odam bo‘ladi. El-yurt yo‘lida shahid bo‘lish uchun shay 
odam bo‘ladi. 
— Kim biladi, Dehqonqul, el-yurt shunday deyapti-da. 

---

Tog‘ay Murod. Otamdan qolgan dalalar (roman) 
www.ziyouz.com
kutubxonasi 
19
— Dehqonqul! El-yurt qizillar ig‘vosiga uchmasin. Men qizillarni bitta qo‘ymay qiraman. Omon 
qolmish Qizilni qaerdan kelgan bo‘lsa — o‘sha yoqqa qaytarib haydayman. El-yurt ana o‘shanda 
biladi— mujohid kim, bosmachi kim ekanini. Botar kunni otar tongi bo‘ladi.