Microsoft Word togaymurod otamdan qolgan dalalar lotin ziyouz com doc

 
27 
Mashina keldi. 
Xursandoy bilan Norguloy juhudi atlas kiyib keldi. 
— Ana atlas, mana atlas! — dedi Ideologiya. — Qalay, o‘rtoq rejissyor? 
Rejissyor boshmaldoq narraytirib ko‘rsatdi. — Bravo! — dedi. 
— Ana, o‘zbek sovet xotin-qizlari! — dedi Ideologiya. — Ana endi burjua-mafkurachilarimizni 
boplaymiz. Ana endi Boymirza Hayit, Vali Qayumxonlar ekranda o‘zbek sovet xotin-qizlari obrazini 
ko‘rib, og‘ziga urgan itday bo‘lib qoladi! 
Rejissyor labiga barmoq yuritib-barmoq yuritib ko‘rsatdi. 
Terimchilar tushunmadi. 
— Lolab deyapti, — dedi raisimiz. 
— Ha, yashang, rais aka! Lolab, lolab! — dedi Jingalasoch, — pomidorrang bo‘lsa, ekranda yaxshi 
ko‘rinadi! 
— Kolxozimiz piri badavlat kolxoz! — dedi raisimiz. — Lekin shu... lolab yo‘g‘-a! 

---

Tog‘ay Murod. Otamdan qolgan dalalar (roman) 
www.ziyouz.com
kutubxonasi 
129
— Lolab mineral o‘g‘it emas, rais aka! Lolab kolxozda bo‘lmaydi! — dedi Jingalasoch. — Lolab 
xotin-qizlarda bo‘ladi! 
— Bilaman, bilaman, — dedi raisimiz. — Kolxozimizda lolab qo‘ygich xotin-qizni o‘zi yo‘q-da? 
— Bor, — dedi Xursandoy. — Bitta bor. Maktabda o‘ris tili muallimi lolab qo‘yadi. 
— Ana, bor ekan-ku, rais aka? — Endi... maktab bor edimi... 
Raisimiz lattachaynar bo‘ldi. Bir kun qaradi, bir yer qaradi. 
Endi Ideologiya raisimiz joniga ora kirdi. 
Ideologiya sumkasidan barmoqday bir nimani oldi. Terimchilarni mashina taraf imladi. 
— Kelinglar! — dedi. Terimchilar mashina pana bo‘ldi. 
— Xayriyat-e! — deya kaft ishqadi Jingalasoch. — Kolxoz bo‘yicha bitta zamonaviy ayol bor 
ekan! 
— Uyam raykom... — ming‘illadi raisimiz. 
 
28
Xursandoy birinchi egatdan tushdi, Norguloy ikkinchi egatdan tushdi. 
— Bo‘ldi! — dedi Jingalasoch. — yirik planda shu ikkita terimchi bo‘ladi. Uyog‘ida kim qanday 
tushsa tushaversin — uyog‘i shunchaki fonda ko‘rinadi! 
— O‘ziyam, yirik-yirik ko‘ringulik terimchilar-da! — dedi raisimiz. — Har birovi mavsum 
oxirigacha sakkiz tonnadan oshirib «oq oltin» terish majburiyatini olgan! 
— Mashina bo‘l-e! — dedi Jingalasoch. — Deyarli mashina! 
— Bularni oldida mashina nima degan gap! — dedi raisimiz. — Mashina buziladi, otkaz qiladi. 
Bular na buziladi, na otkaz qiladi! 
Ideolopiya ikkita lo‘ppi chanoq uzib oldi. Puf-pufladi. Silab-siypadi. Norguloy bilan Xursandoyni 
quloqlari ustiga qistirib qo‘ydi. 
Ideologiya Norguloy bilan Xursandoyni o‘rim-o‘rim sochini yelkasidan olib ko‘ksiga tushirib 
qo‘ydi. 
Ideologiya boshqa terimchilarga-da ko‘z-ko‘z etdi. 
— Sizlar ham ana shunday qilinglar! — dedi. Boshqa terimchilar-da quloqlariga chanoq taqdi. 
Boshqa terimchilar-da o‘rim sochlarini ko‘ksilari tushirdi. 
Ideologiya Xursandoy qabatini oldi. 
Jingalasoch Norguloy qabatini oldi. 
Apparatlar shir-shir surat olib boshladi. 
29 
— Ona tabiatimizda necha xil rang bo‘lsa, barcha-barchasi paxtazorda mujassamdir! — dedi 
Jingalasoch. — Ha, paxtazorda kamalak ranglarning jamiki jilolari jamuljam! Paxtazorda xotin-
qizlarning piyola jarangidek sho‘x kulgisi yangraydi! So‘ng, laparlar, askiyalar, qo‘shiqlar, eshitaladi! 
Jingalasoch Xursandoy bilan Norguloyga mikrofon tutdi. 
Xursandoy bilan Norguloy yuzlarida tabassum o‘ynadi. Tishlarini oqini ko‘rsatib jilmaydi. 
«Paxta ishqi» ashulasini aytib-aytib paxta terdi: 
Tun demay, kunduz demay, boshingda men parvonaman, 
Sog‘inib qoldim, ochil, kulsin, sevinsin har tomon... 
— Ha, dalada hurkak tog‘ ohusidek xotin-qizlar turnaqator bo‘lishib paxta termoqda! Biri qo‘yib 
biri qo‘shiq aytadi, boshqalari jo‘r bo‘ladi: 

---

Tog‘ay Murod. Otamdan qolgan dalalar (roman)