Microsoft Word togaymurod otamdan qolgan dalalar lotin ziyouz com doc

www.ziyouz.com
kutubxonasi 
128
— Axir, chet ellarda Boymirza Hayit, Vali Qayumxon, Buloqboshi kabi burjua-mafkuraviy 
dushmanlarimiz qadamimizni sanab yuribdi! Burjua-mafkurachilarimiz ekranda chit ko‘ylak kiygan 
o‘zbek sovet xotin-qizlarini ko‘rsa nima deydi? Sovet O‘zbekistoni och-yupun, demaydimi? Deydi! 
Ana, o‘zbek sovet xotin-qizlari chit ko‘ylak kiyib paxta termoqda, demaydimi? Deydi! 
Ideologiya benavo-benavo bo‘ldi. 
— Biz... atlas... — deya g‘uldur-g‘uldur etdi. —Biz yevreyskiy atlas deganda — o‘zbek xotin-
qizlarini tushunamiz, o‘zbek xotin-qizlari deganda — yevreyskiy atlasni tushunamiz!.. 
Raisimiz Ideologiya joniga ora kirdi. 
— Muncha terimchiga juhudi atlasni qaerdan topamiz? — dedi raisimiz. 
— Hammasiga emas, — dedi Jingalasoch. — Mana shu ikkoviga bo‘lsa bo‘ladi. Shu ikkovi yirik 
planda ko‘rinadi! Qolganlari shunchaki — fonda ko‘rinadi! 
— Ha-a, ikkita deng, ikkita topiladi, — dedi raisimiz. — Qani Xursandoy, Norguloy, buyoqqa 
yuringlar, qani. Xoliqul, mashinani o‘t oldir! 
Raisimiz Xursandoy bilan Norguloyni mashinasiga mindirdi. Pichir-pichir tayinladi. 
— Zuv etib borib-zuv etib kelinglar! — deya eshik yopdi. — Rais aytdi, desalaring, bizni ayol 
ham, Chori mudirni ayoli ham yo‘q demaydi! 
26
Rejissyor tishlari orasidan chirt-chirt tupurdi. 
Rejissyor napirosini tutatib bo‘ldi. Papiros qoldig‘ini chertib tashladi. 
Shunday chertdi-shunday chertdi — ko‘zim ilashmay qoldi! Papiros qaerga tushdi — bilolmay 
qoldim! 
Shunday bo‘lsa-da — papiros uchmish yoq alag‘da bo‘lib bordim. Egat oralab qaradim — 
tololmadim. 
Kaftlarimni tizzalarim tirab qaradi — tutun payqamadim. Hali o‘chmagandir deya, havo iskadim 
— hid olmadim. 
G‘o‘zalarni bir-bir qaradim. Shoxlarini qayirib qaradim. Barglarini ko‘tarib qaradim. Papiros bir 
oppoq chanoqda ilashib turdi. Bilinar-bilinmas tutab turdi. 
Men apil-tapil g‘o‘za uchidan silkidim — papiros egat tushdi. 
Papirosni tovonim bilan ezg‘ilab-ezg‘ilab tashladim. Yer ko‘mib-er ko‘mib tashladim. 
Ana shunda ko‘nglim jonlashdi.