Microsoft Word shaytanat3 ziyouz com doc

www.ziyouz.com
kutubxonasi 
181
— Yo‘q. Birga yursak ham churq etmadilar. 
— O‘xshatgansanlar... 
Kesakpolvon Jamshidni tirik ko‘rganlaridan emas, uning Xongirey to‘dasiga aralashib 
qolganidan ajablandi. Zelixonning ixtiyori bilan Jamshid Moskvaga keltirilgani, besh-olti 
kun o‘rmondagi bir uyda yolg‘iz saqlangani, so‘ng «Aslida sen garovdagi odamsan, seni 
sinash uchun Krasnoyarga yuboryapmiz. O‘zingni ko‘rsat, Xongireyning ishonchli odami 
bo‘lishga intil!» deb buyurilganidan u bexabar edi. 
Kesakpolvon ulardan boshqa gap chiqmasligini fahmlagach, bo‘lak mavzuga o‘tdi: 
— Qaytganlaringdan keyin sheriklaringni ko‘rdilaringmi? 
— Ko‘rdik. 
— Kimga bo‘ysunish kerakligini aytishmadimi? 
— Aytishdi. 
— Xo‘sh, nimaga kelmadilaring? 
— Qayoqqa? 
— Onangnikiga! — Kesakpolvon shunday deb so‘kinib, tarsaki urib qoldi. Hozir Alining 
alamini Validan oldi, desak-da bo‘lar. Jamshidning Xongirey to‘dasida yurgani haqidagi 
xabar uning uchun kutilmagan zarba edi. Buni ham Chuvrindining ishi deb bildi. Chunki 
Jamshidni yashirishni o‘sha zimmasiga olgan edi. 
Bu yigitlar masalasida esa, ularni Chuvrindi kutib ololmagan taqdirda o‘zi amalga 
oshirishi shart edi. G‘aflat bosib, unutibdi. Yaxshi hamki bular landovurlarcha 
poyloqchilik qilib, Zaynab sezib qoldi. Yo‘qsa, ish qanday tugashini Yaratganning o‘zi 
biladi. Zaynabga bir nima bo‘lsa, Asadbek uni kechirmas edi... 
Hammomda davom etgan «Yalta muzokaralari»ning xulosasi shu bo‘ldiki, 
Hosilboyvachchaning yigitlari poyloqchiliklarini davom ettiraveradilar. Ulardan birining 
o‘g‘li, birining ukasi, yana birining singlisi garovga olinadi... Agar Zaynabning bir 
tolagina sochi to‘kilsa... 
Kesakpolvon aynan shunday dedi: 
— Agar Zaynabning bir tolagina sochi to‘kilsa... 
Shundan keyingina yuvinib olishga ijozat etildi. 
— Men ruxsat bermagunimcha hammomdan qimirlamalaring, — deb Kesakpolvon 
Zaynabning yoniga chiqdi. 
— Do‘ngi qizim, tez narsalaringni yig‘ishtir, biznikiga borasan. G‘alamislarning ko‘nglida 
shumlik bor. Ziyraklik qilibsan. Yura qol, o‘rtog‘ing ham uyda. Zerikmaysan. 
Zaynabning peshonasi sal do‘ng bo‘lgani uchun Kesakpolvon uni bolaligidan «Do‘ngi 
qizim», deb erkalardi. Hozir ham erkalab gapirgani uchun Zaynab ortiqcha savol berib 
o‘tirmadi. Bir sidra kiyimlarini olib, tayyor bo‘ldi. 
Zaynabning o‘rniga bu uyda Kesakpolvonning yigiti qoldi. 
Hosilboyvachchaning yigitlari esa Zaynabning «bir tolagina sochi to‘kilishidan» qo‘rqib, 
poyloqchilikni davom ettirishdi.
2
Asadbekning xastaligini bilgandan beri Kesakpolvon oromini yo‘qotdi. Uzoq yillar 
mobaynida yelkama-elka turgan do‘stining birdan yo‘qlik dunyosiga ketishi 
Kesakpolvonday bemehr odamda ham ikki turdagi tashvish uyg‘otdi. Biri yaqin insondan 
ayrilish tashvishi bo‘lsa, ikkinchisi (muhimrog‘i) uning o‘rnini egallash. Kesakpolvon 
mana shunga tayyor emasdi. Aniqroq aytiladigan bo‘lsa, u o‘zini Asadbekdan keyingi 
mutlaq hokim deb hisoblardi. «Chuvrindi ukaginasi»ning ulg‘ayib, hokimlik darajasiga 

---

Shaytanat (3-kitob). Tohir Malik