Microsoft Word rizyozus solihiyn ziyouz com doc

134-BOB
Takror ko‘rishganda, bir majlisga kirib-chiqqanda yoki daraxt va
shunga o‘xshash narsalar orani to‘sib qo‘yganida qayta salom
berishning mahbubligi haqida 
858/1. Abu Hurayradan (r.a.) namozini yomon holda o‘qigan kishi haqida rivoyat 
qilinadi. U kelib namoz o‘qidi. Rasululloh (s.a.v.) uning salomiga alik olgach, «Qaytadan 
namoz o‘qi. Chunki sen hali namoz o‘qimading», dedilar. U qaytib namoz o‘qidi. So‘ngra 
Rasulullohga (s.a.v.) salom berdi. Hattoki, shuni uch marta qildi. Imom Buxoriy va 
Muslim rivoyatlari. 
859/2. Abu Hurayradan (r.a.) rivoyat qilinadi. Rasululloh (s.a.v.) «Agar sizlarning 
biringiz birodariga yo‘liqsa, unga salom bersin. Agar ular orasini daraxt yo devor yoki 
tosh to‘sib qo‘yib, so‘ngra unga yana yo‘liqsa, yana salom bersin», dedilar. Abu Dovud 
rivoyatlari. 
 
135-BOB 
Uyga kirganda salom berishning mahbubligi to‘g‘risida
Alloh taolo: 
«Bas, qachon uylarga kirsangizlar, bir-birlaringizga Alloh huzuridan bo‘lgan 

---

Riyozus solihiyn. Abu Zakariyo Yahyo ibn Sharaf Navaviy 
www.ziyouz.com
kutubxonasi 
173
muborak pokiza salomni aytinglar
(ya’ni «Assalomu alaykum», denglar)» (Nur surasi, 61-oyat), deb aytgan. 
860/1. Anasdan (r.a.) rivoyat qilinadi. Rasululloh (s.a.v.) «Ey o‘g‘ilcham, agar oila 
a’zolaring huzurlariga kirsang, salom bergin. Ana 
shunda o‘zingga va oila a’zolaringga baraka bo‘ladi», dedilar. Imom Termiziy rivoyatlari. 
Foyda: 
Kishi uyiga kirganida o‘z ahliga salom berish mahbub amallardan. Agar hech 
kim bo‘lmasa «Assalomu ‘alayna va ‘ala ibadullohis solihiyn», deb aytmoqligi ham 
mahbubdir. 
 
136-BOB
Yosh bolalarga salom berish haqida 
861/1. Anasdan (r.a.) rivoyat qilinadi. Bu zot yosh bolalar yonidan o‘tib ketayotib, 
ularga salom berdilar-da, «Rasululloh (s.a.v.) shunday qilardilar», deb aytdilar. Imom 
Buxoriy va Muslim rivoyatlari.