Microsoft Word Pochta aloqalari doc

2010 yil 16 mayda uch yuz  ming so‘m oldim  
         Niyozova                                                                                          
 
                                                                                                 (imzo) 
 
                      Operator to‘ladi                                    Karpova 
                                                                                    (imzo) 
 
21-rasm. Pul o‘tkazmasi to‘lovi uchun dalolatnomaning namunasi
. 
 
 
– Hisobotni qabul qiluvchi aloqa xodimi: to‘langan pul o‘tkazmalari 
hamda ularga tegishli xabarnomalarning soni va summasini, pul 
o‘tkazmasi blankalarida oluvchilarning pul olganliklari to‘g‘risidagi 
tilxatlari, shuningdek pul o‘tkazmasini to‘lagan aloqa xodimining imzosi 
borligini tekshirishi; 
– pullarni va to‘lanmagan pul o‘tkazmalarini, ularning 
to‘lanmaganlik sababi to‘g‘risidagi belgilarning borligini tekshirib qabul 
qilishi, to‘langan pul o‘tkazmalariga yopishtirilgan markalarga taqvim 
tamg‘a izini tushirish; 

---

 
90
– to‘langan pul o‘tkazmalarining soni va summasini, qaytarilgan 
to‘lanmagan pul o‘tkazmalarining soni, shuningdek qaytarilgan pullarning 
summasini 55-shakldagi daftarga yozishi kerak. Hisobotni qabul qiluvchi 
aloqa xodimi va pul o‘tkazmalarini to‘lagan aloqa xodimi yozilgan 
yozuvlarning to‘g‘riligini tasdiqlab imzo qo‘yadilar. 
Operatsiyalar tugagandan so‘ng to‘lanmagan pul o‘tkazmalari 
blankalari va pochta jo‘natmalari saqlanadigan qutisi yopiladi va 
ta‘minlangan tartibda saqlanadi.  
Pul to‘langandan so‘ng har bir pul o‘tkazmasi 10-shakldagi 
reestrga yoziladi, u davrlar bo‘yicha 1 dan 15 gacha va 16 dan 30 (31) 
gacha bo‘lgan kunlar uchun ikki nusxada olib boriladi. Pochta aloqasi 
hududiy tashkiloti bilan kelishilgan holda PO‘NQM 10-shakldagi 
reestrlarni olib borishni o‘n kunlik, besh kunlik bo‘yicha yoki har kuni 
amalga oshirilishini belgilab qo‘yishi mumkin. Reestrga pul 
o‘tkazmalari nusxa ko‘chiruvchi qog‘oz bilan yoziladi. 
Reestrning yuqori qismiga pochta aloqasi obyektining nomi va 
reestr yuritilayotgan hisobot davri ko‘rsatiladi. Reestrning har bir 
varag‘ini birinchi nusxasida nazorat-geralydli muhr izi tushiriladi. 
Reestrning har bir varag‘ini yuqorisida pul o‘tkazmalari to‘langan kun 
va oy ko‘rsatiladi. 
10-shakldagi reestr bo‘yicha pul o‘tkazmalarini tartib bo‘yicha 
raqamlash PO‘NQMga nazorat uchun hisobotlarni jo‘natish davrlari 
bo‘yicha olib boriladi.  
Bank orqali pul o‘tkazish yo‘li bilan to‘langan va pochta-kassa 
apparati, elektron majmuada rasmiylashtirilgan pul o‘tkazmalari 10-
shakldagi alohida reestrga umumiy soni bilan yoziladi. Reestrning 
yuqori qismiga «Bank orqali pul o‘tkazilgan» yozuvi yoziladi. 10-
shakldagi reestrlarning nusxalari bir to‘plamga tikib yig‘iladi. 
10-shakldagi reestrga pul o‘tkazmalari yozilib borgan sari 
to‘langan pul o‘tkazmalari summalarining betma-bet yakunlari 
hisoblanib, ular reestrning har bir beti oxirida o‘sib boruvchi yakun 
ko‘rinishida raqamlar bilan ko‘rsatiladi. Ish kuni (smena) tugagach 10-
shakldagi reestrga (agar bittadan ortiq pul o‘tkazmasiga pul to‘langan 
bo‘lsa) to‘langan pul o‘tkazmalarining soni va summalarning (raqamlar 
bilan) yakuni hisoblanadi. Bu yakunlar reestrga nusxa ko‘chiruvchi 
qog‘oz bilan yoziladi va pul o‘tkazmalarini to‘lagan aloqa xodimining 
va nazorat qiluvchi shaxsninng (ularning lavozimlarini ko‘rsatgan holda) 
imzolari bilan tasdiqlanadi. 

---

 
91
Kun davomi (smena)da to‘langan pul o‘tkazmalari soni va 
summasi bo‘yicha hisoblanadi, 10-shakldagi reestrda ko‘rsatilgan 
yakunlar bilan taqqoslanadi, bank orqali pul o‘tkazish yo‘li bilan to‘lan-
gan pul o‘tkazmalari esa, bundan tashqari, to‘lov topshiriqnomasining 
uchinchi nusxasida ko‘rsatilgan yakunlar bilan solishtiriladi. 
Hisobot davri tugagandan so‘ng, 10-shakldagi reestrlarda ish kuni 
(smena) yakunidan keyin butun hisobot davri uchun to‘langan pul 
o‘tkazmalarining soni, summasi raqamlar bilan yozilib, keyin so‘zlar 
bilan takrorlanadi. Yakunlar nazorat qiluvchi shaxsning imzosi bilan, 
yakunlarning pochta aloqasi hududiy tashkiloti yoki pochta aloqasi 
obyekti (pochta aloqa bog‘lamasi, pochtamt) shaxsiy to‘lovi hisobot-
larining davrlari bo‘yicha buxgalterlik hisobi yakunlariga muvofiq 
kelishi esa bosh buxgalter (uning o‘rinbosari) imzosi bilan tasdiqlanadi. 
Aloqa bo‘limlarida yakunlar bo‘lim boshlig‘ining imzosi bilan, bir oylik 
yakunlar esa, bundan tashqari pochta aloqasi hududiy tashkiloti yoki 
pochta aloqasi obyekti (pochta aloqa bog‘lamasi, pochtamt)ning bosh 
buxgalteri (uning o‘rinbosari) imzosi bilan tasdiqlanadi. 
Pul o‘tkazmalari bir necha kassalarda to‘lanadigan pochta aloqasi 
hududiy tashkiloti yoki pochta aloqasi obyektlari (pochta aloqa 
bog‘lamalari, pochtamt)da asosiy kassa bo‘yicha yakunlardan so‘ng 
boshqa kassalarda to‘langan pul o‘tkazmalarining umumiy soni va 
summasi alohida, shuningdek bank orqali pul o‘tkazish yo‘li bilan 
to‘langanlari alohida ko‘rsatiladi. 
Oy oxirida 10-shakldagi reestrda to‘langan pul o‘tkazmalarining 
soni va summasi quyidagi tartibda yakunlanadi: avval oxirgi hisobot 
davri uchun yakuni, keyin esa, bir oy uchun umumiy yakuni yoziladi. 
To‘langan pul o‘tkazmalarini va ularga tegishli xabarnomalarni 
nazorat qiluvchi aloqa xodimi tekshirishi kerak. 
Tekshirilgan to‘langan pul o‘tkazmalari, 10-shakldagi reestrlar va 
xabarnomalar ta‘minlangan tartibda saqlanadi. 
Kelgan 114-shakldagi tezkor (telegraf) pul o‘tkazmalari nazorat 
qiluvchi aloqa xodimi tomonidan 20-shakl nazorat daftaridagi yozuvlar 
va keluvchi pul o‘tkazma telegrammalari bilan solishtiriladi. 114-
shakldagi tekshirilgan pul o‘tkazmalari har kuni oy mobaynida kelish 
tartibida to‘plam qilib tikiladi. 
Noto‘g‘ri rasmiylashtirilgan pul o‘tkazmalari ularni qabul qilgan 
joydagi pochta aloqasi hududiy tashkilotiga yoki pochta aloqasi 
obyektiga qaytarilishi mumkin emas. 

---

 
92
Bunday pul o‘tkazmalari pochta aloqasi hududiy tashkiloti yoki 
pochta aloqasi obyektining boshlig‘i (o‘rinbosari)ga beriladi, u 
qoidabuzarlikning turiga qarab, ularni to‘lash imkoniyati haqidagi 
masalani mustaqil hal qiladi. 
To‘lash ruxsat etilmagan pul o‘tkazmalari nazorat qiluvchi shaxsda 
saqlanadi. Aloqa bo‘limlari yozishmalarni mustaqil ravishda olib 
boradilar.  
Ushbu pochta aloqasi obyektiga adashib kelgan pul o‘tkazmalari 
tamg‘alanadi va darhol manziliga qayta jo‘natiladi. 
Hisobot davri tugagandan so‘ng, pochta aloqasi obyektlari (aloqa 
bo‘limlari) 5-shakldagi daftarlar, 103-shakldagi ro‘yxatlar, 10-shakldagi 
reestrlar va to‘langan pul o‘tkazmalarini pochta aloqasi obyekti (pochta 
aloqa bog‘lamasi, pochtamt)ga ular tomonidan belgilangan muddatlarda 
PO‘NQMga jo‘natadilar. 
Pochta aloqasining hududiy tashkilotlari yoki pochta aloqasi 
obyektlari (pochta aloqa bog‘lamalari, pochtamtlar) pul o‘tkazmalarini 
to‘lash bo‘yicha o‘z hisobotlarini PO‘NQMga pochta aloqasi obyektlari 
(aloqa bo‘limlari)ning hisobot davrlari bo‘yicha tekshirilgan hisobotlari 
bilan birga, pul o‘tkazmalari (5-shakldagi daftar va 103-shakldagi 
ro‘yxatlar)ni qabul qilish bo‘yicha esa – oxirgi hisobot davri uchun pul 
o‘tkazmalarini to‘lash bo‘yicha hisobotni bir oyda bir marta jo‘natadi.  
Hisobotlarni nazoratga jo‘natish PO‘NQM tomonidan belgilangan 
va pochta aloqasining hududiy tashkilotlarida tasdiqlangan muddatlarda, 
uning PO‘NQM ga kelgan kunini hisobga olgan holda amalga oshiriladi. 
PO‘NQM ko‘rsatmasiga ko‘ra pul o‘tkazmalarini katta miqdorda 
qabul qiluvchi va to‘lovchi viloyat markazlari, Toshkent va Nukus 
shaharlari pochta aloqasining hududiy tashkilotlari yoki pochta aloqasi 
obyektlari (pochta aloqa bog‘lamalari, pochtamtlar) uchun 10-shakldagi 
reestrlar bilan birga nazoratga jo‘natish o‘n kunlik yoki besh kunliklar 
bo‘yicha belgilanishi, 5-shakldagi daftarlarni 103-shakldagi ro‘yxatlar 
bilan birga jo‘natish esa oyda ikki marta qilib belgilanishi mumkin. 
Pochta-kassa apparati, elektron majmuadan foydalanib pul 
o‘tkazmalari qabul qilinadigan va to‘lanadigan pochta aloqasining 
hududiy tashkilotlari yoki pochta aloqasi obyektlaridan perfolentalar 
(disketlar yoki boshqa axborot tashuvchilar) ma’lumotlarni to‘plash, 
tayyorlash va uzatish punktlari (MTTUP)ga jo‘natiladi, keyin esa bu 
ma’lumotlar PO‘NQMga jo‘natiladi.  

---

 
93
Xalqaro pochtamt PO‘NQMga kelgan sug‘urtali qoplarni 
belgilangan muddatlarda eltib beradi va shu bilan bir vaqtda 
PO‘NQMdan jo‘natilayotgan sug‘urta pochtani qabul qiladi.