Microsoft Word O'quv qo'llanma

O‘quvchilarda fizika darslaridan quyidagi natijalar ko‘zlanadi:
-
masalani yechish jarayonida o‘quvchilarda mantiqiy fikrlashni 
rivojlantirishning imkoniyatlarini aniqlash va ulardan foydalanish; 
-
o‘quvchilarda nostandart masalalarni turli usullar bilan yechishni ijodiy 
fikr yurita olish ko‘nikmalarini shakllantirish va bu orqali o‘ziga nisbatan 
ishonch, vatanga nisbatan iftixor tuyg‘usini shakllantirish; 
-
o‘quvchilarga turli xil yangi adabiyotlarni taqdim etish, buning natijasida 
ta’lim tizimida bo‘layotgan rivojlanishni ko‘rsatib berish; 

---

22
-
o‘quvchilarda labaratoriya mashg‘ulotlarda faol ishtirok etib, natijalar ola 
bilish, labaratoriya jihozlaridan tog‘ri foydalanib, nazariy bilimlarini 
amaliyotda tog‘ri qo‘llashiga erishish; 
-
o‘quvchilarda kurashuvchanlik qobiliyatlarini rivojlantirish uchun muhim 
bo‘lgan bilim va ko‘nikmalarda dastlabki negizni tashkil etish; 
-
misol va masalani yechish jarayonida o‘quvchilarda mantiqiy fikrlashni 
shakllantirish, umumlashtirish, masalalarni mustaqil tuzishi, yechish uchun 
ma’qul usulning tanlanishi, yechilgan masalaning ko‘pchilik o‘quvchilarga 
amaliy qo‘llanilishi tushunarli bo‘lishiga erishish va bu esa o‘quvchilarda 
egoistlik tuyg‘usini yo‘qotadi, har xil o‘zbekligimizga yot bo‘lgan 
tuyg‘ularni o‘zida shakllanishiga yo‘l qo‘ymaydi;
-
o‘qituvchilardan esa darsni qiziqarli o‘tish, o‘quvchilarni boshqa keraksiz 
ishlarga o‘zlarini chalg‘itishga yo‘l qo‘ymaslik kerak. Chunki barcha 
yomon illatlar o‘quvchilarni bekor va nazoratsiz yurishidan kelib chiqadi. 
Ijodiy yondashuv o‘quvchilarda ruhiy quvvatini oshiradi, fikrlashini 
kengaytiradi. Boshlang‘ich sinfdanoq o‘quvchilarni mantiqiy fikrlashga 
o‘rgatish, ularda izlanuvchanlik, ijodkorlikni o‘stirish bugungi kunda har 
bir o‘qituvchi oldida turgan muhim vazifalardan biri. Buning asosida 
ta’lim tarbiya berishimiz hech kimga sir emas. 
O‘qituvchi birinchi navbatda bolalarning bilimlarga qiziqishlarini, mantiqiy 
qobiliyat – mantiqiy fikrlash, qobiliyatini umumlashtirish, abstraktsiyalashni, 
tasavvur qilish va hokazolarini, shuningdek, bilim, ko‘nikma va malakalarini 
mustaqil egallash va amalda qo‘llay olish imkonini rivojlantirishi kerak. Ayniqsa 
bu o‘rta ta’lim maktablari, ya’ni mantiqiy fikrlashi endi rivojlanib kelyotgan 
kelajak-avlodga o‘rgatish, uni to‘g‘ri yo‘lga boshlash, o‘qituvchi oldida turgan eng 
dolzarb muammodir. Negaki aynan shu davrlarda o‘quvchilar hayotning faqat 
yengil-yelpi tomonini ko‘radi. Bunday vaqtda ta’lim berishdan oldin, aynan fizika 
darslarida tarbiyaviy jihatdan ko‘proq o‘rnak bo‘ladigan misol va masalalarni 
o‘quvchilarga taqdim etish lozim. Inson har tomonlama kamol topishi va 
farovonligi, shaxs manfaatlarini ro‘yobga chiqarishning sharoitlari va 

---

23
mexanizmlarini yaratish, eskicha tafakkur va ijtimoiy xulq-atvor andozalarini 
o‘zgartirish, respublikada amalga oshirilayotgan islohotlarning asosiy maqsadi va 
harakatlantiruvchi kuchidir. Demak mamlakatimizda olib borilayotgan tub 
islohotlar, aynan ma’naviy komillikka erishgan shaxslarni tarbiyalash uchun, 
xalqning boy zamonaviy madaniyati, iqtisodiyot, fan, texnika va texnologiya 
sohasidagi yutuqlari asosida mutaxassislar tayyorlashning mukammal tizimini 
shakllantirish O‘zbekiston taraqqiyotining muhim shartidir. Birinchi Prezidentimiz 
Islom Karimov ta’kidlaganidek: «… bugungi kunda oldimizga qo‘ygan buyuk 
maqsadlarimizga, ezgu-niyatlarimizga erishishimiz, jamiyatimizning yangilanishi, 
hayotimizning taraqqiyoti va istiqboli amalga oshirilayotgan islohotlarimiz, 
rejalarimizning samarasi taqdiri – bularning barchasi, avvalombor, zamon 
talablariga javob beradigan yuqori malakali, ongli mutaxassis kadrlar tayyorlash 
muammosi bilan chambarchas bog‘liqligini barchamiz har jabhada doimo birdek 
anglab yetmoqdamiz».