Microsoft Word navoiy xamsatul mutahayyirin lotin ziyouz com doc

www.ziyouz.com
kutubxonasi 
48
Bu faqir ham bu kitobning avvalida alar madhida aytqondin bir necha bayt bila ixtisor qilinur: 
Birov oldi suz kishvarin yakqalam- 
Ki, qildi qalamin sutuni alam. 
 
Qo‘lig‘a olib nayza o‘rnig‘a kilk, 
So‘z iqlimini sadbasar qildi milk. 
 
Bilik avjining mehri toboni ul, 
U «beshlik»larga sening «beshliging» qanday tenglashadi? 
Ularning bir xazinasi sening yuz xazinangdan yaxshimidir? 
Ayniqsa «beshlik»ka qo‘l urgan, 
Ganjadan turib sherga panja urgan. 
Turkiy tilda bir ajoyib naqsh yaraldi, 
Jodu damlar labiga muhr bo‘lib bosildi. 
Bu qalamga falak ofarinlari bo‘lsin, 
Chunki bu go‘zal naqsh o‘sha qalam tufayli yaraldi. 
Forsiy gavhar egalariga – 
Forscha nazm durrlarini teruvchilarga rahm qildi. 
Agar u ham forsiyda yozganda, 
Shoirlarda so‘z ayitshga majol qolmasdi. 
U mo‘‘jizali nazm mezonida 
Nizomiy kimu Xusrav kim bo‘lardi. 
U boshqa bir tilda so‘z yuritganidan 
Aql uchun farq ajratish imkoni qolmadi. 
Qanday yaxshi, sening tab’ing – so‘z ustozidir, 
Qalaming kalidi – so‘z ochuvchidir. 
Ravnaqdan to‘xtagan, xorlik 
Burchagidan o‘rin olgan [turkiy] so‘zga, 
Sen boshqatdan obro‘ berding. 
Uni ijod maydoniga surding. 
Sening fikring nuri tufayli u safo topti, 
Lutfing navosidan u navoli bo‘ldi. 
Men bu nazm daraxtini parvarish etarkanman, 
Yurak qoni bilan hosilga kiritarkanman, 
Sening suxandonligingdan, 
Ilmiy so‘z yuritishingdan boshqa sabab yo‘q [deb bilaman),
Vaholanki, men uni bezaganimiz, 
Hech kimdan na ehson, na tahsin istar edim.
Baxilning ehsonidan nima chiqardi-yu, 
Nodonning maqtovidan nima kelardi. 
So‘z lutfi bilan seni maqtarkanman,
Seni o‘z bilimim chegarasi deb ko‘rsatdim. 
Molu martaba garchi jonni parvarish qilsa ham, 
So‘z kamoli hammasidan yuqoriroqdir. 
Bu ko‘hna falak birdaniga aylanishdan to‘xtar ham, 
Lekin jahon bor – so‘z qoladi. 
So‘z har qancha va abadiy boqiy bo‘lmasin, 
Xomushlik ajab dilkash va jonga yoqimlidir. 
Kel, ey soqiy, bir dilkash jom keltir, 
Olovdek issiq va tiniq may keltir. 
Toki u dilkash jomga lab qo‘yaylik, 
Hamma qalamu daftarlarni olovga otaylik. 
Kel, sozanda, changni tezlatib yubor, 
Cholg‘u mezrobi bilan kuyni yuksaltir. 
Ko‘ngil qulog‘idan paxtani olaylik, 
Butun vujudni quloqa aylantirib, dam olaylik. 

---

Alisher Navoiy. Holoti Sayyid Hasan Ardasher