Microsoft Word navoiy xamsatul mutahayyirin lotin ziyouz com doc

www.ziyouz.com
kutubxonasi 
2
qafasidin ravzai firdavs sori parvoz tuzdi va muborak jismlarining oliy makon paykari dor ul-fano 
mahbasidin dor ul-baqo anjumanig‘a mayl ko‘rguzdi, agarchi ahli olamg‘a motam yuzlandi, ammo 
sohib motam bu nomurodi so‘gvor erdim va soyir avlodi odamg‘a azo voqe’ bo‘ldi va lekin sohib azo 
bu noshodi ta’ziyat shior erdim. 
Chun bu motamda majruh ko‘ngul ozori va mahzun xotir iztirobu iztirori haddin oshti. Bu ranj 
taskini va bu oshub itmiynoni uchun xayolg‘a andoq keldikim, ul sipehri izzu iqbol bila bu xokiyvashi 
furumoya va ul mehri avji kamol bila bu zarrai kamsarmoya orasida o‘tgan holotdin bir necha varaq 
nigorish qilg‘aymen va maqolotdin bir necha muqaddima guzorish berg‘aymenki, ul umur zohiru 
botinimg‘a mujibi mubohot va quvonmoq va dunyoyu oxiratimg‘a boisi iftixor va o‘kunmoqdur. Va 
agar ul nav’ iltifotlarni mahbubdin muhibg‘a xaloyiq bovar qilmasalar—ul hazratning musannafotida 
mazkurdur va ul tariyq xususiyatlarni muroddin muridg‘a juz maholot bilmasalar — kulliyotlarida 
masturkim, bu da’vog‘a ikki dalili muvofiq, balki ikki guvohi sodiqdur, chun bu risola xayolg‘a keldi, 
binosin bir muqaddima va uch maqola va bir xotimag‘a qo‘yuldi va bu besh daf’a so‘zgakim, 
o‘qug‘uvchilarg‘a ko‘p mujibi tahayyur erdi — «Xamsat ul-mutahayyirin»
8
tasmiya qilildi. 
Muqaddima — alarning nasablariyu valodatlari va soyir avqotlarining sulukiyu bu faqir alar 
xizmatlarig‘a qachon musharraf bo‘lg‘onim. 
Avvalg‘i maqolat — alar bila bu faqir orasida o‘tgan ittifoqiy umuru g‘arobatliq so‘zlarkim, andin 
alarning bu faqirg‘a xususiyat va iltifotlari ma’lum bo‘lur. 
Ikkinchi maqolat — alar bila bu faqir orasida bitilgan ruq’alar bobidakim, holo alarning 
kulliyotida mazkurdurur va munshaotlarida masturkim, faqir javob bitibmen yo aks. 
Uchunchi maqolat — kutub va rasoil bobidakim, alarning musannafotidur va bu faqir alarning 
ta’lifig‘a boisu tasnifig‘a sabab bo‘lubmen va bu ma’ni hamul kutubning ko‘prog‘ida zohirdur. 
Xotima — ul kutubu rasoil bobidakim, bu faqir alar xizmatida ta’lim va istifoda yuzidin o‘qubmen 
va alarning hayotlarining oxirining tarixi va ul holot kayfiyati.