Microsoft Word navoiy farhod va shirin nazm lotin ziyouz com doc

www.ziyouz.com
kutubxonasi 
200
Qilib dardi ko‘ngulga kor yig‘lab. 
Qo‘yub ul gomu el keynicha anbuh, 
Qayu anbuh, balkim ko‘h to ko‘h. 
Qayon ul ketti el keynicha ketti, 
Bu holat birla suv boshig‘a yetti. 
Zamone tinmog‘in qildi bahona 
Ki, yetgaymu ul oshubi zamonag‘ 
Ko‘zida suv va lekin jonida o‘rt, 
Bo‘lub har sori boqmoqdin ko‘zi to‘rt. 
Ketur, soqiy, mayu, daf’ et xumorim 
Ki, o‘lturdi xumori intizorim. 
Xumori hajr bas muhlik balodur, 
Anga yo vasl yoxud may davodur. 
XXXIV
Farhodning «Ayn ul-hayot» suyin «Bahr un-najot» havzi arig‘ig‘a ochib, ko‘zidin ul chashma 
rashahotidek ashki rudin sochib, Armaniya sori xiromi va xaloyiqning ul arig‘ atrofida tamosho uchun 
g‘avg‘oyi omi va Parivashning Parikash devzodi ro‘yadin qolmoq va Farhod devonavor Parikash bila 
Parivashin egniga olmoq va Armaniya tog‘i sori barqdek gom solmoq va falaki qadxamdek mehr 
ostida yugurmak va mehrni falak ayvonig‘a yetkurmoq va junun
Bu ko‘hsor ichra xoro aylagan chok, 
Quyar mundog‘ ziloli sofiyu pok 
Ki, chun Farhod suv ochmoqqa ketti, 
Xabar har soridin Shiring‘a yetti. 
Kim, ul qozib arig‘e poku soda, 
Necha ishlar dog‘i aylab ziyoda. 
Yasab ul nav’ qasri charxmonand 
Ki, topib kungiri gardung‘a rayvand. 
Bu yanglig‘ kilk ila tahriri oning, 
Bu yanglig‘ naqsh ila tasviri oning. 
Qilib ishlarki, qilmay odamizod, 
Bo‘lub ko‘rmakdin oni odami shod. 
Qo‘yub ko‘ngliga yuz ko‘hi alamni, 
To‘kub ko‘zdin tuman ming seli g‘amni. 

---

Alisher Navoiy. Farhod va Shirin