Microsoft Word muminning sifatlari ziyouz com doc

ахфо латоифаларида бу нурлар сариқ, қизил, оқ, қора ва яшил рангларда жилоланади. Банда 
ахлоқи замима -- ёмон хулқдан батамом халос бўлмагунича кўринмайдиган бу нурлар, 
фақатгина ахлоқи ҳамида -- гўзал хулққа эришган комил инсонда зоҳир бўлади. Инсондаги 
беш моддага муқобил равишда яратилган бу беш руҳоний туйғулар беш мақом ҳам дейилади. 
Бу ҳақда тасаввуф китобларида батафсил маълумот олишингиз мумкин. 
38
“Рамуз ал-аҳодис” 231\17, ҳазрати Ибн Аббос ва Абу Умома разийаллоҳу анҳумо ривоят қилганлар. 

---

Мўъминнинг сифатлари. Муҳаммад Зоҳид Қўтқу 
www.ziyouz.com кутубхонаси 
26
- 33 - 
МЎЪМИН ВА ЖАМИЯТ
 
"Одамларга аралашиб юрадиган ва уларнинг азиятларига сабр қиладиган 
мусулмон киши одамларга аралашмайдиган ва уларнинг азиятларига сабр 
қилмайдиган мусулмон кишидан яхшироқдир".
39
Ҳазрати Умарнинг ўғли Абдуллоҳ розийаллоҳу анҳу ривоят қилган бу ҳадиси шариф 
ҳазрати Имом Табарий, Аҳмад ибн Ҳанбал, Имом Термизий ва Ибн Можа раҳматуллоҳи 
алайҳларнинг “Кутуби ситта” ҳисобланмиш саҳиҳ ҳадислар тўпламларида зикр этилган. 
Мусулмонлар икки тоифадан иборат бўлади: бир қисми тасаввуф ва зуҳд йўлини танлаб, 
узлатга чекиниб, вақтинчалик жамият ишларига аралашмайдилар, ўз нафсларини ислоҳ этиш 
билан Машғул бўладилар. Уларнинг мақсадга мувaффақ бўлиш-бўлмасликлари, бу алоҳида 
масала. Бунинг ҳам ўзига хос фазилати ва мукофоти бор. Балки жаннатнинг энг гўзал 
мавқеларига эришарлар. Чунки улар нафсга қарши мужодала натижасида ўзларини дунёнинг 
фитна-фасодларидан сақлайдилар. Аммо ҳадиси шарифда ижтимоий ҳаётга аралашиб, турли 
фитналарга рўбарў келган, лекин Ҳақ йўлдан тоймай, машаққатларга сабр қилган ҳолда 
инсонларни ҳидоятга чорловчи мусулмонлар тоифаси аввалгисидан афзал саналмоқда. 
Демак, жамият ишларидан четда туриш қобилиятли мўъмин учун ҳеч бир фазилат эмас. 
Чунки мусулмонлар турли баҳоналар билан ўзларини жамият ишларидан четга олсалар, диний 
тарбиядан йироқ кимсалар аҳли исломга билиб-билмай душманлик қилишлари мумкин. “Сўнгги 
пушаймон ўзингга душман”, деган мақол бор. Пушаймон бўлиб қолмаслик учун ҳар бир мўъмин 
соғлом ақли ила фикрласин. Жамиятнинг ислоҳига фойдаси тегадиган ишларни муҳим деб 
билсин. Моддий зарарлари кўп бўлса-да, маънавий фойдаларининг беҳисоб ва давомийлигига 
заррача шубҳамиз йўқ.