Microsoft Word muminning sifatlari ziyouz com doc

“Ва У зот Одамга барча нарсаларнинг исмларини ўргатди”
сиррига 
ноил қилганди. 
Унинг авлоди бўлган мўъминлар бу неъматдан фойдаланиб келмоқдалар. Юқорида тилга 
олинган ҳадиси шарифда таъкидланганидек, мўъминлар бир нарсага боқар эканлар, ягона 
яратувчи Аллоҳнинг нури билан назар соладилар. Яъни илоҳий нур-ла порлаган қалб кўзлари 
ила боқадиларки, биз буни басират деймиз. Шу боис кўпинча уларнинг фикр-мулоҳазалари 
тўғри чиқади. Улар ўз қарашларида адашмаганлари-дек, уларнинг фикр-қарашлари 
бошқаларни ҳам адаштирмайди. Чунки уларнинг кўнгиллари мунаввар бўлгани учун ойнадек 
тиниқлашиб, мусаффолашган.
Пайғамбаримиз саллаллоҳу алайҳи васаллам ва бошқа пайғамбарлар алайҳимуссаломнинг, 
қолаверса, уммати Муҳаммад орасидаги мумтоз зотларнинг кашфу кароматлари ҳамда 
қимматли фикр-қарашларидан бунга кўплаб мисоллар келтириш мумкин. Чунончи, 
Пайғамбаримиз саллаллоҳу алайҳи васалламнинг барча ғазотлардаги шаҳидларнинг исмларини 
номма-ном ва соатларигача айтишлари, Мадинадаги жомеъ минбаридан туриб ҳазрати Умар 
разияллоҳу анҳунинг ажамлар билан жанг қилаётган қўмондонга тоққа чекинишини 
тайинлаганлари ҳақиқатдир. 
Биз Аллоҳ лутф этган бу илоҳий нурни нафсимизга асир бўлганимиз туфайли занг 
бостирдик, фойдаланиб бўлмайдиган ҳолатга келтириб қўйдик. Кема, тайёра каби зирҳли 
транспортлар, радар, уяли алоқа, радио, телевизион сингари кундалик эҳтиёжларни ижод 
этишни инсонга насиб қилган қодир Аллоҳ солиҳ бандасига бундай илоҳий неъмат ато 
этолмайдими? ўзлигимизда бундай илоҳий эҳсонлар мавжуд бўлса-ю, лекин нафсимизга қул 
бўлиб, дунёнинг ўткинчи лаззатига алданиб, бу неъматлардан бебаҳра қолиб, ҳаётдан кўз 
юмсак, нақадар бадбахт кимсалар бўлмаймизми?! 
Азиз ва муҳтарам биродарим! Зинҳор сен динсиз ва ғофилларнинг сўзига қулоқ солиб, 
Ҳақнинг ризосидан ташқарига чиқма ва ўзингдаги мавжуд бу нурдан фойдаланиб, дунё ва 
охират саодатини қўлга киритишга ҳаракат қил! Пайғамбаримиз саллаллоҳу алайҳи 
васалламнинг йўлидан қатъиян чиқма! Чунки бу нурлар суннатга риоя қилинган тақдирдагина 
кашф бўлиб, ундан фойдаланишинг мумкин. Акс ҳолда, Аллоҳ ва расулининг йўлидан чиқсанг, 
бу нур сўнади ва сен бу неъматни зое қилганинг учун охиратда жазосини кўрасан. 
Улуғларимиз бу нурларни шундай таърифлайдилар: инсондаги қалб, руҳ, сир, хафий ва