Microsoft Word muminning sifatlari ziyouz com doc

тонг орттирган одам ҳақиқий мусулмон эмас"
49
дейилган. Бироз фикр юритайлик. Бу 
нима дегани? Очлик сўфийликни бузади, дейишади. Бугун оч бўлиб, дардини кимсага 
айтолмаган ва ҳеч кимга зарари тегмай ўладиган нечта киши бўлиши мумкин? Тўғри, сабрли 
бўлиш керак, қаноаткор бўлиш лозим, аммо бой ва ўзига тўқлар ҳам инсоф қилиб, исрофдан 
тийилиши лозим. Мусулмоннинг гуноҳ ишларга беҳисоб пуллар сарфлагунча, заифу 
бечораларга, фақиру миксинларга ёрдамга шошилиши яхши эмасми? Шубҳасиз, инсонларнинг 
кўзлари бой кишининг тўкин-сочин, исроф қилаётган хатти-ҳаракатларида бўлади. 
Фақирларнинг назаридан бу нарса махфий қолмайди. Ана ўшанда ҳасад, кин, ўғрилик каби 
49
“Жоми ас-сағир” 2\120; “Рамуз ал-аҳодис” 369\2, ҳазрати Анас ибн Молик разийаллоҳу анҳу ривоят қилганлар. 

---

Мўъминнинг сифатлари. Муҳаммад Зоҳид Қўтқу 
www.ziyouz.com кутубхонаси 
33
ярамас ҳоллар рўй беради. Буларни жазолаш билан бу ишларнинг олдини олиб бўлмаслигини 
неча йиллардан буён қилинган тажрибалар яққол кўрсатиб турибди. 
Ҳақ таоло ўғрининг қўлини кесишликка буюрган. Бу, табиийки, жуда ҳам адолатли ва 
шармандали жазо – ҳам қўлсиз қолади, ҳам то ўлгунича жамият ичида ўғри деган дашном 
остида яшайди. Тўғри, бу билан ўғриликнинг олди олинади, аммо у одамни гуноҳ қилишга 
мажбур этган ва бу ҳолга келтирган мусулмон жамиятининг бу борада бирор айби йўқми? У 
бечоранинг қўли нима учун кесилган? Оч қолган бўлса, айб фақат ундами? Ёки унинг шу ҳолга 
келишига сабаб бўлган мусулмонлардами?
Албатта, мусулмонлар ҳам айбдор. Ўғрилик қилганида унинг қўли кесилади. Аммо унинг 
қўлини кесиладиган ҳолатга келтирган мусулмонларни нима қиламиз? У бу ўғриликни ишсиз 
қолганидан ва ё оч қолганидан қилгандир. Шу тахлит, ўғриликни бир касб-ҳунар қилиб 
олгандир.
Бундайларни қидириб топиш ва илм, одоб, касб-кор ўргатиш, бирор иш билан таъминлаш 
керак экан, сен буларни хаёлингга ҳам келтирмай, завқу сафодан, кайф қилиб юришдан, 
исрофгарчилик кўчаларида тентирашдан тўхтамайсан. Ёзда ёзлоқ далаҳовли, курорт, пляж ва 
ҳоказода, қишда эса бошқа дабдабали, қулай уй-жойингда яшаб, хилма-хил автомобилларда 
сайру саёҳат қилиб, бечора фақир-фуқароларнинг қўли кесилар экан, баттар бўлсин десанг, шу 
ишинг мусулмонликми? 
Биродар, ахир сен мусулмонлик вазифангни бажарганингда, унинг қўли эҳтимол кесилмас 
эди! Бурчингни адо қилмаганингдан кейин у жиноятга қўл урса, “Унинг қўлини ҳам кес, оёғини 
ҳам кес, оламга ибрат бўлсин”, дея рози бўласан. Бироқ сен ўз вазифангни адо этмаганинг 
учун сенга қандай жазо берилишини ҳам бир ўйлаб кўр. Ўзингга ўзинг ҳукм қил...